Wir Johann Georg von Gleissenthal Prelat zum
Speinshart Churfürstl(icher) Pfaltzgräffischer Rath, unnd Bernhardt
von Töltzsch Landtrichter unnd Pfleger zu Waldeckh samentlichen
bekennen unnd thun kundt meniglichen, alß sich numehro eine
Zeithero zwischen den Edlen Hochgelahrten unnd Ehrnvesten Hannß
Christoffen von Püch der Rechten Doctorn, Erndt, Hest, unnd Lehen
Richtern zu Amberg alß belehnten Besitzern der Marggräffischen
Lehengüter zu Apfelßdorff unnd Rötenbach Clägern eines, Dann
Hainrich von Trautenberg zu Reuth beclagten andern theils,
allerley Jrrung unnd streit erhalten, derowegen Sie zur
Schlichtung unnd vergleichung Mitwochen den dreyzehenden
January deß Sechtzigsten Ein unnd Sechtzigsten Jahrs von den
Durchleuchtigen Hochgebornen unsern Gnedigen Fürsten unnd
Herrn Ludwigen Pfaltzgraffen bey Rhein, Hertzogen in Bayern,
der obigen Churfürstl(ichen) Pfaltz Statthaltern, gehn Amberg zu
gütlicher Tractation handlung unnd verhör vorbeschaiden, allda
under unnd aneinander damals verglichen worden, Wie dann Jhr
Churfürstl(icher) recess so Freytags den Vier unnd Zwantzigsten Januarij
deß Sieben unnd Sechtzigsten datirt außweiset, welcher in allwegen
in seiner Würckhligkeit bleiben unnd vollzogen soll werden.
Dieweiln aber seithero zwischen beeden theilen sowohl auch deren
Underthanen fernerer streit entstanden unnd vorgebracht, unnd wir
von Hochgedachten Jhrn Churfürstl(ichen) Durchl(aucht) hierunter zu Commissarien
deputirt unnd geordnet, dero underthenigen gehorsamb zu parirn
unß schuldig erkant, derowegen den 26. Octobris deß 70. Jahrs
die Parthen uff den Mayershaim betaget, guten fleiß vorgewandt
ob Sie zu Nachbarlichen freundtlichen vertrag vereinet würden,
Wie Sie dann damals in gegebenen Abschiedt so unter ange
zogenem Datum eingezogen, auch Erästlich in seinen Würden