Wir Burgermeister vnnd Radtmanne der Stadt Glatz Bekennen hiemit offentlich vor Allermenniglich, Dass
wir einen offenen pergamenenn brieff, Von ettwa Otto Schrammen zu Mittelwaldt gesessen, ausgangen, In vnsern henden gehabt, gesehen, vnd lessendt ange=
höret, Auch denselben an Pergamen geschrieben vnnd seinen des Ottonis angehengten Ingesigell, gerecht, vnuersehret, tauglichen, ohn allen Argwenigen
verdacht, befunden haben, vonn worte zu worte, wie hernach geschrieben stehet lautendt
In Gottes Nahmenn
Amen, Vnd demnach das alle Menschen pflichtig adir schuldig sindt zu sterben vndt mussen kognen vor das strenge Gerichte Gotes, vnehmen do gut adir böse
noch eines Jeylichen wergk adir thett alsogen hie begangen hat; Darumb Ich Otto Schramme gesessen zu Mittelwalde von Gottis gnaden gesundts lei=
bes zu gehen vnd zu stehen vnd bey gutter vornunfft meiner synnen, Thue khundt offenbar allen den die desin brieff sehen ader horen lesen, Dass
Ich mit guttem vorbedachtem mutte vnd rathe meiner gewissen vnbetwungen, Sonndern williglich vnnd gerne, von andacht vnd begehrunge meines
herzen, Do gebe Ich, benähme vnnd vberantworte dem Erbarn geistlichen Closter adir Thume, dem Probst vnd der ganzen Samunge zu Glatz off dem
Berge vnnser lieben frawen, gelegen vnder dem hause Sent Augustins Ordins, die nu sindt adir hernach zukunfftig werden, ewiglich zu halten vnnd
zu haben, Gotte zu lobe vnnd zu ehren, vnnd der hochgelobten Jungfrawen Marie vnnd allis himels her vnnd auch durch meiner sele seligkeit
vnnd meiner vorkohmen Eldern vnnd nachkomlinge von mir meiner Kinder, Do gebe Ich dem vorgenanten Closter, den meinen waldt,
der do gelegen ist, Obwenig Wernhersdorff, vnnd grenitz an eime theile oben vnnd vnndin mit dem Comptor der Creutziger zu Glatz, glich
uff vnnd nedir noch dem aldin wagewege, der do gehet zwischen den Welden an dem Andern theile; grenitz vnnd stosset an den waldt des vorgenan=
tis Probstis vnnd des Closters der Thumherrn, do selbes zu Glatz, Auch gebe Ich mit dem Walde das fisch Erbe das do vigehet von dem vorgenanten
Wernhersdorff vnnd grenitz mit den Richinawir vnnd mit Hanse Tifinsi, der zu denselben gesitten forstis was des vorgenanten waldis, zu
haben, zu halten, vnd zubesitzen, mit allem rechte, mit furiunge vnnd mit allem Nutze, Also Ich Otto vorgeschrieben denselben waldt gehabt vnnd
besessen habe, fredelich mit aller hirschafft; Do sollen die vorgenanten Thumherrn zu vnnser frawen zu Glatz, Nemlich vnd besun=
dern mir begehen also Ich von hinnen scheide noch meinem tode mein sele Järliche begrafft mit vigilgen vnnd Messe, Also einem andern
woltätiger Jhres Closters, Auch anndir meiner freunde also vorgeschrieben ist, zu troste vnnd zu volleist sullen die vorgenanten herren
zu Ewigem gedechtnis meinen Nahmen vnnd der meinen schreiben In Jhr buch mit andern Jren brüdern vnd frunden, vnd das kundigen Jehr=
lich In einem Capitell noch Jr gewonhait, Auch sollen sy mir vnnd den meinen Jartag mit vilgen vnd Messe begehen, noch Jhr Satzunge als
Sy pflegen zuthuen, den die Jhr sundertiche frunde vnd gunner gewest sindt. Zu vrkunde vnd zu ganzer bestettigkeit des vorgeschrieben
glöbdis, Do hab Ich mein Ingesigill lassen hengen an desen gegenwartigen brieff, Gegeben Nach Christi geburt, Tausent vnd vier=
hundert Jahr, Dornach Jhm dem dritten Jare, an dem anndern tage vor Sante Calixtentag. Zu vrkundt mit
<transcript stopped because model output began looping; manual review required>