Wir Burgermaister vnnd Rätt der alten Statt Prag Bekhennen
vnnd thuen khundt hiemit diesem Brief vor Jedermennig=
lich wo der gelesen oder zuehören gehört wirdet. Alß wir
der Röm(ischen) Khay(serlichen) Mt(ajestät) vnnserm allergnedigisten Herrn
Zue dem Notturfften, alß Jrer Mt(ajestät) verordenten Herrn
Camer Rätt In Behaimb, vorhero mit vnns gepflogner
vnderhandlung 500 ß gl(eichen) dergestalt das wir
vnns solche Summa an Jrer Mt(ajestät) Saltz, so vns verkaufft
würde, widerumb abziehen, vnnd Inbehalten sollen,
vnderthänigist dargelihen, wie solches Jrer gl(eichen) vnnd
Jrrerwegen, vnder deren Secret aufgerichte versich=
erung de(n) dato donners tag nach S(anct) Thomas tag ver=
schins 74 Jars, ferner in sich vermag vnnd außweist,
So solle aber wie bericht einkhumben, vnns hieuon ain
gleichen sige versicherung vnnd mit allen denen worten
hieobgedachter versicherungs lauts, zue angenigter Zeit
vbersendet vnnd zugestelt worden sein, von welcher
wir aber khain wissenschafft haben noch solche bey
khainem Ratts verwandten vnsers mitls oder
ainichen andern menschen, nicht erfragen mügen, vnd
alß dieselbe nicht vnderhanden haben, Derwegen
vnd da obangeregte andere vber wendende 500 ß gl(eichen)
von Jren gl(eichen) den Herrn Behaimischen Camer Rätten,