Wir Rudolf der Ander Von Gottes gnaden, Erwölter
Römischer Kayser Zue allen Zeitten Mehrer des Reichs
in Germanien, auch Zue Hungern, Vnnd Behaimb (etc.) Khünig,
Ertzhertzog Zue Osterreich, Hertzog Zue Burgundi, Zue Steyer,
Zue Khärndten, Zue Crain Vnnd Würtemberg, Herr Zue Ober Vnnd nider Schlesien,
Marggraue Zue Mährern, Herr Ober Vnnd nider Laußnitz
(etc.) Graue Zue Tyrol (etc.) Bekhennen für Vns Vnnd Vnsere Erben
offentlich mit disem brieff Vor mennigclich, Als wir
noch hieuor die Römische Kaiserin Vnsere freundtliche geliebte
Fraw Muetter, mit ainer benendten Summa gelts
gegen Iren glaubigern Zue Vertretten, Söhnlich
Vnnd freundtlich bewilligt Vnnd Iro Mt. (etc.) Vnnd
L. Vndter andern, auch bey derselben Leib Medico
Doctor Wolffgang Odorico, mit Viertausent gulden, Römisch
in Müntz, Ieden derselben Zue Sechtzig Creützern ge=
rechnet, So Iro Mt. (etc.) Vnnd Lieb Ime alls ainguedig
gelt Verschrieben, Zue bezalen, angewisen, Das wir
dem nach mit gnaden bewilliget, Zuegesagt Vnnd ver=
sprochen haben, Thuen solches auch hiemit wissentlich
in Krafft dis brieffs allso Vnnd dergestalt, Daß
wir gedachten Doctor Odorico, seinen Erben oder wer diese
Vnsere Verschreibung mit Irem guetten wissen Vnnd
willen In handen haben wirdet, obbemelte Summa
der Viertausent gulden Römisch Von dato an Zue weiten
vber fünff Iahr, auß allen Vnnd Ieden gefellen Vnnd
einkhommen Vnserer Cämmer in Behaimben