Wir Rudolf der ander von Gottes gnaden Erwölter Römischer Kayser
zu allen zeitten Meerer des Reichs in Germanien zu Hungarn, Behaimb, Dalmatien Croatien (etc.) Khünig Ertzhertzog zu Osterreich Marggraff zu Mährern Hertzog zu Lützenburg (etc.) unnd in
Schlesien Marggraff zu Laußitz (etc.)
Füegen dem Ehrwürdigen, Wolgebornen, Gestrengen, Edlen, Ersamen, Fürsichtigen, unnd
hochgelehrten, Unsern lieben Getreuen, Prelaten, Herren, Ritterschafft, Stetten, unnd denen von der Landschafft Unsers Marggraffthumbs Niderlaußitz hiemit gnediglich zuwissen. Nach
dem wir auß andern ordentlichen ursachen, unnd fürnemblich, wegen der guet unnd schlechten underthain, unnd Contrabant, so wegen der unkosten an aß unnd verzollung
der wahren, durch gedachts Unser Marggraffthumb Niderlaußitz durch die Eüsern, gehandelt unnd hierdurch gespüret, ohngehorsam, unnd wider die anordnung beschehen,
dabey die wahren an den zoll stetten, so richtig worden, (etc.) Unnd aber solches dem Unsern Landt unnd Leüthen, unnd dem Marggraffthumb zu Niderlaußitz
eingemessen, beschwert befunden, das solches Unsern unnd der wahren, nit allain, den Burgern, unnd handtwercks leüthen, in gemain, allen Inwohnern, zum höchsten
schadig, sonder auch an Unsern zoll gefellen, nachtaillig, dweil die fuhrleüth andere straßen suechen, unnd Unser Marggraffthumb gar umbfahren, unnd die Iren
Landtstraßen meiden theten. Derwegen underthänigist angelangt unnd gebetten, das wir solche wahren unnd werckstuck gnediglich umb ein bil=
lichs unnd gnädigs bey dem zoll, deßhalben wegen deß ain halben Taller uberlassen, so wolten, das wir demnach, solches underthänigist bitt, gnediglich
bewilligt, solches Unsern unnd der wahren, so den Januarium deß fünfftzigst unnd achtzigisten Jars anfahen, unnd die von unsern Wegen baldt umb sol=
ches zulaßen, das Nemblich, wie es vor, ain Jeder Fuhrman, so auß Pöllen, Preüssen, Meissen, der Marck Brandenburg, unnd andern örtten, nach Leiptzig,
Nürnberg, unnd Oberlaußitz durch Unser Marggraffthumb Niderlaußitz, mit sein Wahren, wie auch das den Namen haben mag, fahren, unnd abthuen
wegen deßhalben ain halben Taller zoll, als nemblich ain halben Taller hin herein, unnd ain halben Taller hin wider zuruckh von Iren zue aigen, schuldig
unnd verphlicht sein solle. Unnd gepietten darumb Unsern Landtvogt, Verwaltern, der Landtshaubtmannschafft, unnd andern Zollnern,
sambt unnd sonders, Unsern unnd deß Marggraffthumbs Niderlaußitz, mit ernst unnd wellen, das sie diesen Unsern gnedigen bewilligung, unnd wil=
lig nachkhomen, unnd die endtliche verordnung thuen, damit hierüber niemants wider billigkhait beschwert werde. Daran beschicht Unser
gnedigister, endtlicher gefelliger wille unnd mainung. Geben auff Unserm Khüniglichen Schloß Prag den fünff
unnd zwaintzigisten, Decembris Anno (etc.) Acht unnd achtzigisten Unserer Reiche deß Römischen im dreyzehenden, deß Hungarischen im Siebentzehenden
unnd deß Behaimischen im Viertzehenden.
Rudolff