Quandoquidem et presentem copiam cum
suo uero originali concordari inueni, qua
re me supra dictus Notarius in fidem
et testimonium me subscripsi.
Wir Wladislaus von Gots gnad(en)
Kunig zw Behemen, Marggraff zw Merhern
Herzog(en) zw Luczemburgk, vnnd in der Slesien
vnnd Marggraff zw Lwsitz (etc.) Bekennen gegen
allen menigclich mit dissem offen brieff, das hie
fur vns erschinen sindt, die Edlen Han vnnd Nicolauss
gebruder Burggraffen von Donin, vnnd zum B(e)ste(n)
stain, vnnsser liebe getrewen, vnnd haben vnns
demuttigclich gebetten, dz wir Jnen, vnnd Jren
Erben, das Schloß Bestenstain, vnnd das Zubroch(en)
schloß falkenburgkg, das Stettlin Ercze, mit ainem
freÿen Marckt vnnd sonderlich, mit der freÿen strassen
die von Allters gehet, von Jttaw auff Kÿnnburgkg
vnnd von Kÿnnburgkg auff die Sÿttaw, das Stettlin
Brotza, Zewitzsch das freÿewtgkg, das dorff herhwaldt
mit Zollen vnnd strassen, vnnd die dorffer Listaw
Latzendorff, deins, Beßdorff, ober Ercze, Marg=
endorff, diettersdorff, Schonbach mit dem Newen
Zinbwercke, hermßdorff, heindorff, petersdorff
die Mannschafften zw Luttwßdorff, die Mann=
schaffte zw rensperg, vnnd die Mannschaffte zw
Zartgeßdorff, vnnd Zulendorff, vnnd zw vleiß=
dorff, vnnd mit allen vnnd Jetzlichen Mannschaffte(n),
die da von Allters her, Zum Bestenstain, vnnd
mit allen gaistlichen, vnnd weltlich lehen gehort
haben, die Edlen Han, Jhenne von Donin Jren