In nomine sancte et indiuidue trinitatis felicit(er) Amen. KAROLVS quart(us)
Diui(n)a fauente clementia Roman(orum) Imperator semp(er) Augustus et
Boemie Rex. Ad perpetua(m) rei memoriam. Insignes laudabilis
fame titulos moderni temporis meretur gloriosa posteritas si q(uo)d
predecessoru(m) Illustrium circumspecta pridem instaurauit prouisio
uigilanti cura p(ro)sequit(ur) et grato sollicitudinis munit officio vt
fructuosi laboris solertia perhenni Successoru(m) comendet(ur) memorie
et ex consequentia bonoru(m) operu(m) quasi ex relucenti speculo ue=
tustatis surgat de felicib(us) mortuis felix memoria rediuiua.
San(e) licet pridem recolende memorie diuus frideric(us) Roman(orum)
Imperator Augustus predecessor n(oste)r de singulari sue benignitate
munere clare recordationis Illustri Wadislao quonda(m) Boemoru(m)
Duci qui Regnu(m) Boem(ie) ante coronatione(m) suam regebat et suis
heredib(us) Boem(ie) regibus censu(m) de terra polon(ie) que(m) antecessores
eius duces Boem(ie) a polonia multis temporib(us) accipere consueue=
rant que(m)q(ue) polonie et slesie duces sacro imperio soluere tenebant(ur)
prout in l(itte)ris Imp(er)atoris p(re)fati euidenter exprimitur liberalit(er)
duxit erogandu(m). Ipsi quoque duces polon(ie) et Slesie eu(n)de(m) censum
Illustrib(us) progenitorib(us) et p(re)decessorib(us) n(ost)ris Boem(ie) Regib(us) in signu(m)
subiectionis debite et in recognitione(m) sui superioris d(omi)ni rite p(er)solue=
rint multis temp(or)ib(us) retroactis. Tamen ad habu(n)datioris cautele
p(re)sidiu(m) tractu temporis dicti duces suo heredum et successoru(m) suoru(m)
nomine atq(ue) uice principat(us) terras et dominia sua a clare memorie
Illustri Ioanne quonda(m) boem(ie) Rege Genitore n(ost)ro charissimo dum
uiueret et demum a n(ost)ra celsitudine d(ic)to n(ost)ro Genitore defuncto
et a Corona Regni Boem(ie) in feodu(m) cum solempnitate debita susce=