Wir Owayger hensel waczem teicher hensel preusser Wenglaw topler winczes schöpfen in den smyden
Dornach heyman Alder Nidas hebenstreit francz horn Rosenthal Schöpfen in dem Prewthaus Bekennen
und tun kunt offenleichen mit disem gegenburtigen briue allen den die in sehn oder hernach kunftig werden
das der erwirdig herre Jacob Abt und sein Conent des Closters zu Czedlicz haben ein ganczes lediges
lon uff unsers genedigen herren des kuniges wringhof des perges zun Chutten und dasselb lon gele
gen ist in prester smyden und auch drinne ligt recht und redleich dem eygn herren Jacob Abt und
seinem Conent und das eygn lon in selber zu haben zu halden zu besiczen und zugebrauchen unge
hindert vor allermeniclich mit allen den rechten Nuczen und genisse recht als ein solches lediges
lon recht hat von der arbait in den smyden und des toten zulbarten von des eygn lones wegen zu dem
eygn Apt Jacob und wenn got uber in gepent So gibt man seinem Conent oder wer den gegenbur
tigen brif mit recht hat funf und sibenczig mark die man dem eygn Jacob Abt gibt noch seinem
tod und zu einer bestetigunge diser sache hab wir vorgenan Schöpfen unser baide Insigel an disen
gegenburtigen brif gehangen der do geben ist Nach Cristi gepurd Virczehenhundert Jar und In
dem eilfftem Jar an dem suntag Oculi