INNOCENTIUS ep(iscopu)s s(er)uus s(er)uor(um) dei Uniuersis xp(ist)i fidelibus p(re)sentes litteras inspecturis Sal(u)t(em) et ap(osto)licam ben(edictionem). Splendor paterne glorie qui sua mundum illuminat
ineffabili claritate pia uota fidelium de clementissima ipsius maiestate sperantium tunc p(re)cipue benigno fauore prosequitur cum deuota ip(s)or(um) humilitas sanctor(um) meritis et p(re)cibus adiuuatur. Nuper
siquidem Carissimus in xp(ist)o filius n(oste)r Carolus Roman(orum) Imperator semper Augustus nobis significare curauit q(uo)d dum ip(s)e nouiter Pisis existens eccl(esi)am sancti petri ad Gradus prope Pisas
ad quam ex illis partibus in certis festiuitatibus et nonnullis aliis temporib(us) maxima confluit populi multitudo p(er)sonalit(er) uisitaret tam ex uulgaris assertionis fama quam per quoddam sub
titulo p(ro)logi sancti ysidori de sancto Petro Ap(osto)lo sigillatim denominatum ibidemq(ue) repertum p(er)cepit q(uo)d ip(s)e beatus Petrus Ap(osto)lor(um) princeps post fundatam per eum sub Claudio Cesare Antiochen(sem)
eccl(esi)am uersus Vrbem Roman(am) se transferens Pisas applicuit et ibi circa Sex mensium spacium p(er)manens p(re)dictam eccl(esi)am ad Gradus ibi uicini tunc maris prope flumen Arni fundauit atq(ue)
construxit ac in quodam altari in medio ipsius eccl(esi)e per eum primo post eius transsitum citra mare fundato sepius missar(um) sollempnia celebrauit q(uo)d(que) postmodum ad martirii gloriam in dicta vrbe perueniens
eccl(esi)am ip(s)am quam ad p(re)fatos Gradus fundauerat discipulor(um) suor(um) cure ut eam crebris uisitarent obsequiis fideliter co(m)mendauit Et demum cum Regni celestis cuius claues in terris accepit a domino ianua
felic(iter) sum(m)or(um) esset ingressus beatus Clemens p(a)p(a) eidem petro in Ap(osto)latu succedens eccl(esi)am ip(s)am in ipsius beati Petri honore et nomine dedicauit propter quod dictus Imperator unam partem lapidis seu lapidee
tabule quam idem primus xp(ist)i vicarius eidem Altari imposuisse dicitur per venerabilem fratrem n(ost)r(u)m Iohannem Archiep(iscopu)m Pisan(um) obtinuit sibi dari Ip(s)amq(ue) partem nobis per dilectum filium Siffridum
Custodem eccl(esi)e Wissegraden(sis) prope Pragam Capellanum suum transmisit humiliter supplicando ut partem ip(s)am quam p(re)dicte eccl(esi)e Wissegraden(si) sub honore et uocabulo ipsius sancti Petri fundate et eccl(esi)e
Roman(e) i(m)mediate subiecte donare p(ro)posuit ut ibidem in d(i)c(t)o altari eiusdem Wissegraden(sis) eccl(esi)e sole(m)niter collocetur cum nonnullar(um) ipsius sancti Petri et alior(um) sanctor(um) reliquiar(um) i(m)positione consecrare ip(s)amq(ue)
sp(irit)ualibus Priuilegiis et gratiis decorare de benignitate ap(osto)lica dignaremur. Nosq(ue) hodie huiusmodi lapidem per eundem Imperatorem nobis ut p(re)fertur transmissum ad diuini nominis dictiq(ue) Ap(osto)lor(um)
Principis laudem et gloriam duximus consecrandum nonnullas ipsius sancti Petri et alior(um) sanctor(um) eidem lapidi reliquias i(m)ponendo. Cupientes itaq(ue) q(uo)d lapis ip(s)e per nos consecratus et altare
in quo in dicta eccl(esi)a locatus extiterit congruis honoribus frequentent(ur) et q(uo)d xp(ist)i fideles eo libentius causa deuotionis ad altare ip(s)um confluant quo ibidem dono celestis gratie uberius conspexe
rint se refectos de omnipotentis dei misericordia et beator(um) Petri et Pauli Ap(osto)lor(um) eius auc(tori)tate confisi omnibus uere penitentibus et confessis qui dictum lapidem per nos consecratum
seu Altare in quo locatus fuerit ut p(re)fertur in Anniuersario consecrationis huiusmodi per nos facte de illo uisitauerint annuatim Tres Annos et Tres Quadragenas Illi uero qui quandocumq(ue)
Pontificem in dicto altari missar(um) sole(m)nia celebrare contigerit in celebratione seu eccl(esi)a Wissegraden(si) p(re)dictis p(re)sentes extiterint vnum Annum et Quadraginta dies de iniunctis
eis penitentiis singulis uidelicet diebus quibus lapidem seu Altare ip(s)a in eodem Anniuersario uisitauerint et quibus in p(re)dicte celebratione seu eccl(esi)a Wissegraden(si) ipsius celebrationis temp(o)re
p(re)sentes fuerint ut p(re)fertur misericorditer relaxamus. Dat(um) Auinion(e) viij Id(us) Maij Pontificatus n(ost)ri Anno Tercio;