In nomine d(omi)ni amen Nos Cunrad(us) de Zwola decretor(um) doctor Scolasticus et canonicus eccl(es)ie olomucen(sis) locumtenens in officio officialatus Rev(erendissi)mi in
Chr(ist)o p(at)ris d(omi)ni d(omi)ni Nicolai archiep(iscop)i s(anc)te pragen(sis) eccl(es)ie legati nati iudex et co(m)missarius a s(ed)e ap(osto)lica sp(eci)aliter deputatus ad infrascripta univ(er)sis et singulis p(re)sentes l(itte)ras
inspecturis salutem in d(omi)no et n(ost)ris ymo verius ap(osto)licis firmiter obedire mandatis Noveritis nos l(itte)ras s(anc)tissimi in Chr(ist)o p(at)ris et d(omi)ni n(ost)ri d(omi)ni Ioh(ann)is divina
providencia p(a)p(e) xxiij vera bulla plumbea cum filis canapeis more romane curie impendenti bullatas sanas et integras non viciatas non cancellatas nec
in aliqua sui parte suspectas sed omni prorsus vicio et suspicione carentes prout in eisdem prima facie apparebat nobis p(ro) parte venerabilium viror(um) d(omi)nor(um)
prepositi decani et capituli eccl(es)ie pragen(sis) p(re)sentatas nos cum ea qua decuit rev(er)encia recepisse quar(um) tenor de verbo ad verbum sequitur et est talis
Iohannes ep(iscop)us servus servor(um) dei dilectis filiis preposito decano et capitulo eccl(es)ie pragen(sis) salutem et ap(osto)licam ben(edictionem) Sincere devocionis affectus quem ad nos
et romanam geritis eccl(es)iam promeretur ut peticionibus v(est)ris illis p(re)sertim que ad v(est)rum et eccl(es)ie v(est)re statum pacificum et tranquillum p(er)tinere noscuntur
quantum cum deo possumus favorabiliter annuamus Hinc est q(uod) nos v(est)ris in hac parte supplicacionibus inclinati vobis et cuilibet v(est)rum ut quascumq(ue)
causas et lites motas et movendas vobis et eccl(es)ie v(est)re p(re)dicte coniunctim vel divisim contra quoscumq(ue) clericos et laicos super quibuscumq(ue) decimis
redditibus proventibus terris possessionibus et iuribus ac rebus aliis ad vos et dictam eccl(es)iam coniunctim vel divisim spectantibus coram quibuscumq(ue)
iudicibus eccl(es)iasticis vel secularibus in quibuscumq(ue) instanciis p(er) vos vel p(ro)curatores v(est)ros p(ro)sequi et defendere libere et licite valeatis felicis recordacionis
Bonifacii p(a)p(e) viij p(re)decessoris n(ost)ri et aliis ap(osto)licis constitucionibus contrariis non obstantibus quibuscumq(ue) auctoritate ap(osto)lica de sp(eci)ali gracia indulgemus
Nulli ergo omnino hominum liceat hanc paginam n(ost)re concessionis infringere vel ei ausu temerario contraire Si quis autem hoc attemptare p(re)sumpserit
indignacionem omnipotentis dei et beator(um) Petri et Pauli ap(osto)lor(um) eius se noverit incursurum Dat(um) Bononie ij kal(endas) Iunii pontificatus n(ost)ri anno primo
Post quar(um) quidem l(itte)rar(um) ap(osto)licar(um) p(re)sentacionem et recepcionem p(re)fati d(omi)ni prepositus decanus et capitulum eccl(es)ie pragen(sis) p(re)dicte nobis humiliter supplicarunt
quatinus ipsis l(itte)ris ap(osto)licis p(ro) eo q(uod) eas ad diversa loca p(ro) eor(um) et dicte eccl(es)ie iuribus et rebus conservandis et recuperandis destinare habent et propter
viarum p(er)icula et alios casus fortuitos ne deperdantur p(ro)videre et eas transumi exemplari et in publicam formam redigi mandare auctoritate ap(osto)lica
dignaremur Nos igitur Cunradus iudex et co(m)missarius p(re)fatus attendentes supplicacionem huiusmodi fore iustam et racioni consonam l(itte)ras ipsas ap(osto)licas
coram nobis p(er) notarium publicum infrascriptum legi fecimus et de verbo ad verbum transumi et exemplari et in hanc publicam formam redigi mandavimus
Decernentes auctoritate ap(osto)lica qua fungimur in hac parte ut huic transumpto publico in iudicio et extra ac ubiq(ue) locor(um) ubi exhibitum fuerit vel ostensum
plena fides adhibeatur et stetur in omnibus et p(er) omnia sicut ipsis originalibus l(itte)ris ap(osto)licis si in medium p(ro)ducerentur In quor(um) omnium et singulor(um)
p(re)missor(um) testimonium et robur firmius p(re)sentes l(itte)ras sive hoc p(re)sens publicum instrumentum exinde fieri et p(er) notarium publicum infrascriptum subscribi
et publicari mandavimus n(ost)riq(ue) sigilli appensione fecimus communiri Dat(um) et actum Prage in domo habitacionis n(ost)re anno a nativitate d(omi)ni
mill(es)imo quadringentesimo undecimo indiccione quarta die vero lune decima mensis Augusti hora vesperorum vel quasi pontificatus s(anc)tissimi in Chr(ist)o
p(at)ris et d(omi)ni n(ost)ri d(omi)ni Ioh(ann)is divina p(ro)videncia p(a)p(e) xxiij anno secundo p(re)sentibus honorabilibus et discretis viris d(omi)nis et mag(ist)ris Iohanne de
Dubrawka in decretis bacallario canonico Wratislavien(si) et Iohanne dicto Cuncz de Wels plebano in Gistebnicz pragen(sis) dioc(esis) testibus ad p(re)missa
vocatis sp(eci)aliter et rogatis
Et ego Iohannes dictus Cuncz de Wels cl(er)icus patavien(sis) dioc(esis) publicus imp(er)iali auctoritate notarius quia p(re)fatar(um) l(itte)rar(um) ap(osto)licar(um)
p(re)sentacioni recepcioni et lecturi necnon omnibus aliis et singulis p(re)missis dum sic ut p(re)mittitur p(er) d(omi)num Cunradum iudicem et
co(m)missarium p(re)fatum agerentur et fierent una cum p(re)nominatis testibus p(re)sens interfui eaq(ue) sic fieri vidi et audivi ideoq(ue) hoc
p(re)sens publicum instrumentum p(er) alium fideliter scriptum exinde confeci et in hanc publicam formam redegi signoque et nomine
meis solitis et consuetis una cum appensione sigilli p(re)fati d(omi)ni Cunradi iudicis et co(m)missarii signavi in testimonium
veritatis omnium et singulor(um) p(re)missor(um) rogatus et requisitus