Johannes ep(iscopu)s seruus seruor(um) d(e)i. Dilecto filio Andree Priori Prouinciali fratrum ordinis heremitar(um) s(an)c(t)i
Augustini in Prouincia Bauarie constituto salt(em) et ap(osto)licam ben(edictionem). Cum sicut accepimus nonnulli Constitutiones n(ost)ras
dudum a nobis magna et debita maturitate premissa de fratrum n(ost)ror(um) ac multor(um) prelator(um) et alior(um) tam
sacre pagine quam utriusq(ue) iuris peritor(um) consilio editas quar(um) vna incipit Quia nonnunquam et alia Ad
conditorem canonum altera uero Cum inter nonnullos et alia Quia quor(um)dam occultare temerarijs ausibus sa
tagentes calumpniose asserunt et mendose Nos constitutiones easdem quas in recessu tuo de Roman(a) cu
ria tibi assignari sub bulla n(ost)ra fecimus nullatenus edidisse Nos ut ueritas preualeat falsitati tibi
tradi et assignari fecisse Constitutiones iamdictas a nobis ut premittitur editas per te in partibus pra
gen(sibus) et alijs decrete tibi Prouincie publicandas omnibus presentes litteras audituris uolumus esse notum.
Quocirca discretioni tue in uirtute obedientie per ap(osto)lica scripta mandamus quatinus ad publicatione(m) huiusmodi
exacta diligentia procedere non postponas. Rescripturus nobis fideliter quicquid inde duxeris faciendum.
Dat(um) Auinion(e) vj k(a)l(endas) Septembr(is) Pontificatus n(ost)ri Anno Decimo.