In nomine domini Amen. Nos wolflinus Judex, Jachcus et Jarentius de Egra, Heinricus dictus de lapide, fridericus de wallis, Albertus
Alberti, wedehey, pylungus, Rudgerus dictus parvus, Chonradus de Haimburga, Chonradus pley et vlricus vnoymer, Ciues
Jurati Pragen(ses) Ciuitatis Tenore presencium profitemur et ad publicam deferimus noticiam, q(uo)d discretus vir vlricus antiqui hyltbrandi
fratruelis filius Conciuis noster vendidit, dedit et tradidit, rite et racionabilit(er) vndecim areas domorum inter valuuam ciuitatis
nostre ad sanctum clemencem in poriecz et tres areas similiter domorum in ciuitate nostra versus antiquam synagogam Judeorum
sitas, et Censum dictis vndecim et tribus areis impositum, videlicet sexaginta grossorum denariorum pragensium minus decem grossis de prescriptis areis prouenientem, discretis
viris Jenhardo et Bohuslao filijs olim wolfrani, Conciuibus nostris, pro quadam certa pecunie quantitate, Ita q(uo)d Inhabitatores
domorum in eisdem areis constructarum, qui pro tempore fuerint, predictum Censum, eciam annis singulis in futurum singulis annis pro rata
de prescriptis areis, predictis Jenhardo et Bohuslao et ipsorum heredibus in festo sancti Galli simul et semel persoluere tenebuntur.
Et si moneta predictorum grossorum deperierit, tunc bonum Argenti vt premissum est soluere tenebuntur. Ipsi eciam Jen
hardus et Bohuslaus et heredes eorum plenam habent et habere debent potestatem ex nunc in antea prescriptas areas
et censum predictum vendendi et alienandi, obligandi, donandi, permutandi, seu aliud de ipsis et cum ipsis areis et censu ad
placitum disponendi, tamq(uam) de rebus et hereditate propria, contradiccione et impedimento quolibet duntaxat quiescente.
In cuius rei testimonium presentes litteras rogati a partibus supradictis, Sigillo ciuitatis nostre fecimus roborari.
Actum et datum Prage Anno domini Millesimo Trecentesimo Quinto decimo, x. k(a)l(enda)s Augusti.