Theodoricus Dei et Apostolicae Sedis Gratia Episcopus Misnensis.
Universis et singulis Christi fidelibus, praesentes literas inspecturis, seu
legi audituris salutem in Domino sempiternam. Pia namq(ue) Mater Ecclesia,
filios suos, quos spiritualiter genuit, sollicita devotione, quasi quibus
dam allectivis muneribus, Indulgentiis videlicet, et peccatorum suorum re
missionibus, incitare consuevit, ad debite famulatus honorem Dei, et Sanctorum
suorum, ut tanto libentius devotionis causa confluant ad eandem, quanto
ibidem uberius dono coelestis gratiae se conspexerint fore refertos, Christianusq(ue)
populus celerius delictorum suorum veniam, et gaudia consequi mereatur aeterna.
Cum igitur providi, Proconsul, et Consules Oppidi Cadan, Pragensis Dioecesis
ad Capellam extra Oppidum praefatum in honorem gloriosorum Martyrum
quatuordecim Coronatorum specialem gerant devotionem, et affectionem prout ac
cepimus, nobisq(ue) humiliter supplicarunt, quatenus pro devotione ipsorum augmen
tanda spiritualia munera elargiri dignaremur. Nos vero Theodoricus,
Episcopus praefatus eisdem supplicationibus favorabiliter annuentes, quiq(ue)
cultum Divinum nostris temporibus potius augeri, quam minui pie am
plectimur, de Omnipotentis Dei misericordia, Beatorumq(ue) Petri et Pauli
Apostolorum eius, et nostra autoritate confisi, omnibus et singulis Orthodoxis
in gratia consistentibus, qui devotionis, vel peregrinationis causa ad dictam
Capellam accesserint, principaliter in Festivitatibus, Pascha, Pentecostes,
Assumptionis Mariae, Nativitatis Christi, Purificationis Mariae, et
praememoratorum Martyrum, manusq(ue) suas ad eandem quomodolibet por
rexerint adiutrices, 40 dies Indulgentiarum de iniunctis eis poenitentiis
in Domino misericorditer relaxamus, Dummodo ad hoc Dioecesani sub
venerit consensus, aevè duraturis. Datum in Castro nostro Episcopali
Mogelin Anno D(omi)ni 1450, die vigesima prima Decembris, nostri
Sigilli sub appensione, quo uti consuevimus, in praemissis.

Locus
Sigilli
pendentis

Collatum hoc cum suo vero Originali
in omnib(us) consonum attestor. Pragae
14. Martij Anno 1678.

Originale posui Pragae ad archivum
Provinciae an(no) 1678 die 15. Martij:
Ita testor
F. Bernardus
Min(orum) Pro(vinciae) Bo(hemiae)

Georg: Alexand: Kra
a Weinberg Auth: Ca
Imp: Not: Publ(icus)