BENEDICTUS PP. XIV.
Universis Christi fidelibus praesentes literas inspecturis salutem et Apostolicam Benedictionem. Ad augend(am) fidelium Religionem, et animarum
salutem coelestibus Ecclesiae thesauris pia charitate intenti; Omnibus utriusq(ue) sexus Christi fidelibus verè poenitent(ibus) et confessis, ac S. Commun(ion)e refectis, qui Ecclesiam
Fr(atr)um Ordinis Minor(um) S. Francisci de Observantia Reformat(orum) nuncupat(am) extra Oppidum Regium nuncupat(um) Caadanam Pragen(sis) Dioeces(is), ad quam (ut asseritur)
devotionis causa magnus Populi Christiani, et praesertim Peregrinorum fit concursus, in quocunq(ue) anni die devotè visitaverint, et ibi pro Christianorum
Principum concordia, haeresum exstirpatione, ac S. Matris Ecclesiae exaltatione pias ad Deum preces effuderint, Plenariam semel t(antu)m quolibet anno per unum=
quemq(ue) Christifidelem lucrifaciend(am) omnium peccatorum suorum Indulgentiam, et remissionem misericorditer in D(omi)no concedimus P(raese)ntibus ad Septennium t(antu)m
valituris. Volumus autem, ut si pro impressione, praesentatione, admissione, seu publicatione praesentium aliquid vel minimum detur, aut spontè oblat(um) Recipiatur
praesentes nullae sint. Datum Romae apud S. Mariam Majorem sub Annulo Piscatoris die VI Maij MDCCLVII. Pontificatus Nostri anno
Decimoseptimo.
Publicentur.
Joan(nes) Ant(onius) Kayser.
Vic(arius) Gen(era)l(is)
et Officialis
Gratis pro Deo et S(ancta) Sede:
Benedictus Stöberz ss.
ProCancellarius
Pro D(omi)no Card(ina)li Passioneo.
Joannes Florius Substitutus.
Ingross(ata) Lib(ro) Bull(arum) sub Lit(era) N. fol(io) 224 a tergo
Bulla Benedicti 14
concedens indulgentias
plenarias feria 2 Pentecostes