Innocentius Episcopus Servus Servorum Dei. Vniversis Chri(sti) fidelibus
præsentes literas inspecturis Salutem, et Apostolicam benedictionem. Licet is,
de cujus munere venit, ut sibi a suis fidelibus, dignè, et laudabiliter serviatur,
de abundantia suæ pietatis, qua merita supplicium excedit, et vota, benè servientib(us)
sibi multò majora retribuat, quàm valeant promereri, nihilominus desiderantes D(omi)no
populum reddere acceptabilem, et bonorum operum sectatorem ipsos fideles ad complacendu(m)
ei, quasi quibusdam allectivis muneribus, Indulgentijs videlicet, et remissionib(us) invitam(us),
ut exinde reddantur Divinæ gratiæ aptiores: Cum itaq(ue) sicut accepimus, dilectus filius
Nobilis Vir Joannes de Hassenstein D(omi)nus Oppidi Cadanensis, Pragensis Diœcesis,
Regni Boemiæ Baro, per charissimum in Ch(rist)o filium nostrum Wladislaum, Boemiæ
Regem Illustrem, pro Obedientia nobis, et Sedi Apostolicæ præstanda, Orator, de propria
Salute recogitans, cupiens terrena in cœlestia, et transitoria in æterna felici commercio
commutare, fervore devotionis accensus, de proprijs bonis suis sibi a Deo collatis, extra
dictum Oppidum unam domum pro usu, et habitatione Fratrum Ordinis Minorum con
strui, et ædificari facere cœperit, illamq(ue) D(omi)no dante perficere intendat. Nos cupien
tes, ut Ecclesia dictæ domus, postquam totaliter ædificata, et constructa fuerit, congruis
frequentetur honoribus, ac Christi fideles eò libentius causâ devotionis confluant ad
eandem, quo ex hoc ibidem dono Cœlestis gratiæ uberius se conspexerint refectos, de Omni=
potentis Dei misericordia, ac Beatorum Petri et Pauli Apostolorum ejus authoritate
confisi, omnibus et singulis utriusq(ue) Sexus, verè pœnitentib(us), et Confessis, qui Ecclesiam
prædictam, postquam, ut præfert(ur), constructa fuerit, in S: Georgij S: Viti et S: Christophori
Festivitatibus a primis Vesperis usq(ue) ad secundas Vesperas inclusivè, singularum Festivi=
tatum earundem devotè visitaverint annuatim, singulis videlicet Festivitatum earunde(m)
diebus, decem annos, et totidem quadragenas de injunctis eis pœnitentijs misericorditer in
Domino relaxamus, præsentib(us), perpetuis, futuris temporibus valituris. Volumus
autem, quòd si alias Visitantibus Ecclesiam prædictam aliqua alia Indulgentia in perpe=
tuum, vel ad certum tempus nondum elapsum duratura per nos concessa fuerit, præsentes
literæ nullius sint roboris vel momenti. Datum Romæ apud S: Petrum. Anno In=
carnationis Dominicæ Millesimo Quadringentesimo Octuagesimo Septimo, quarto
decimo Calendas Julij. Pontificatus Nostri Anno Tertio.