nisi in quantum a Ministris Generali et Provincialibus illis fuerit concessum se intromittent ullo
modo. Quiquidem Ministri Generales et Provinciales ad omnimodam dictorum Conventualium
Reformationem etiam per saeculares favores Legum, Principum, et Communitatum ipsius are teneantur
bonis immobilibus dictorum Conventuum per Generalem et Provinciales Ministros (ut praefertur)
reformandorum pro una quarta Ecclesiae Cathedrali seu dioecesi in qua dicti Conventus siti fuerint.
Pro duabus vero in expeditionem Cruciata contra Infideles pro reliqua alia quarta partibus
in reparationem dictorum Conventuum ipsis factis quoad obedientiam dictorum Ministrorum
reducti fuerint per eos applicatis. Ipsosque Fratres Conventuales in Conventibus et locis pro quibus
a praedictis Ministris in suis Provinciis respective requisiti fuerint ad omnem et singulorum
praemissorum executionem subeundam per censuras, et alia oportuna iuris remedia appellatione
postposita compellant. Invocato etiam ad hoc si opus fuerit auxilio brachii saecularis. Non obstantibus
quibuscunque Constitutionibus, Ordinationibus, et literis Apostolicis: etiam mare magnum nuncupatis:
Necnon Conventuum illorum, et ordinis huiusmodi iuramento confirmatione Apostolica, vel quavis
alia firmitate roboratis statutis, et consuetudinibus: caeterisque contrariis quibuscunque. Caeterum
quia difficile foret praesentes literas ad singulas Provincias destinare. Volumus quod transumptis
earum manu Notarii publici subscriptis, et alicuius personae in dignitate Ecclesiastica con=
stitutae sigillo munitis ea prorsus fides in iudicio et extra adhibeatur, ac si praesentes literae
exhibitae forent, vel ostensae. Datum Romae apud Sanctum Petrum sub annulo Piscatoris
die XI Aprilis Millesimo Quingentesimo decimo octavo. Pontificatus nostri Anno Sexto
Evangelista

Christophorus de Forlivio miseratione divina Tituli Sanctae Mariae de Ara coeli, Sanctae Romanae
Ecclesiae Presbyter Cardinalis, ac totius Ordinis Sancti Francisci Minister Generalis. Universis
et singulis praesentes literas sive praesens publicum Transumpti instrumentum inspecturis
visuris, lecturis pariter et audituris Salutem in domino, Vniversitati vestrae notum facimus
et attestamur, qualiter literas originales in forma Brevis, quarum copia praeinseritur, vidimus
tenuimus et inspeximus diligenter, illasque sanas et integras, ac omni
prorsus vitio et suspicione carentes invenimus, huiusmodi per Religiosos Fratres Paulum de Parma
et Joannem Glauber Ordinis Fratrum Minorum regularis observantiae dicti Ordinis in Romana
Curia Procuratores generales requisiti, ut literas ipsas in publicam Transumpti formam redigi
mandaremus: Idcirco literas huiusmodi per Notarium publicum infrascriptum subscribi et publicari
mandavimus, sigillique nostri minoris rotundi iussimus, et fecimus impressione muniri:

Decernentes huic praesenti Transumpto talem et tantam fidem adhibendam fore, qualis
et quanta literis originalibus huiusmodi adhiberetur si in medium producerentur. Datum Romae
in domo habitationis nostrae iuxta Sanctum Petrum: sub Anno a Nativitate dni M.D.XVIII
Indictione sexta. Die vero per Mensis Aprilis. Pontificatus Sanctissimi in Xpo Patris et dni
nostri domini Leonis Divina providentia Papae X. Anno Sexto. Praesentibus ibidem Vene=
rabilibus viris domino Joanne Billanti, et Guidone de Fogrole clericis Tolen. et Leodien.
Dioecesis, testibus ad praemissa vocatis atque rogatis.

L.S. Et ego Gervasius Lulagii Clericus Auguini Dioecesis publicus
Aplica et Imperiali authoritatibus notarius rogatus de prae
missis manu propria subscripsi.

Collatum hoc cum sua vera mihi exhibita Copia
Originali
in omnibus consonum attestor. Pragae 14. Martii
Anno 1678.

Georg: Alexand: Kraisel a Weinberg
Auth: Cae: Reg: Imp. Not. Pub.

Originale huius an. 1678 die 15. Martii posui in archivum
Prov. Pragae a me erectum eodem anno. ita testor
Fr. Bernardus Sannig
Minr Provlis