Leo Papa Decimus
Universis et singulis Venerabilib(us) Fratrib(us) Patriarchis, Archiepiscopis, et
dilectis filiis electis Abbatib(us), Præpositis, ac Patriarcharum, Archiepiscopor(um) et Episco=
porum in Spiritualib(us) Vicarijs ubilibet constitutis, Salutem et Apostolicam benedictionem.
Exponi nobis fecerunt dilecti filij Generales et Provinciales, Ministri, Custodes, Guar=
diani et alij Fratres Ordinis Minorum de Observantia regulari nuncupati, Quod licet
alias felicis recordationis Joannes Papa XXII prædecessor noster per quandam suam
constitutionem, quæ incipit: Vas electionis, quorundam errorem quondam Joannis de Poliaco
inter alia sentientis, quod fideles Fratrib(us) Ordinis Mendicantium generalem licen=
tiam a piæ memoriæ Clemente Papa V etiam prædecessore nostro per ei(us) Constituti=
onem in Concilio Viennensi editam quæ incipit: dudum Confessiones audiendum con=
cessam habentes, confessi tenerentur peccata per eos dictis Fratrib(us) sic confessa pro=
prio Sacerdoti iterum confiteri damnaverint, et deinde recolendæ memoriæ Eugenius IV,
ac Nicolaus V, et Sixtus etiam IV similiter etiam prædecessores nostri prædictam, et non
nullas alias Joannis de Poliaco et aliorum quorundam opiniones etiam condemnantes man=
daverint contra earundem opinionum assertores velut contra hæreticos de fide Catholica
suspectos debere procedi. Et idem Sixtus prædecessor concesserit, quod si rectores pa=
rochialium Ecclesiarum Sacramenta Eucharistiæ, et extremæ Unctionis his qui dictis
Fratrib(us) essent confessi, absq(ue) aliqua rationabili causa malitiosè negarent, vel exhibere dif=
ferrent, fratres prædicti illa personis, quarum Confessiones audivissent, ea petentib(us) ministra=
re valerent, Et quod ijdem Fratres, vel Consanguinei eorum qui elegerint sepeliri apud Ec=
clesias Fratrum Mendicantium, etiam prætextu cujuscunq(ue) Consuetudinis non possint compel=
li deferre corpora defunctorum ad parochialem Ecclesias, aut alia loca, et cum illis, vel sine
illis inibi divina celebrare, seu celebrari facere, ante vel post Sepulturam earundem, pro=
hibueritq(ue) Ordinarijs locorum sub interdicti ingressus Ecclesiæ, et suspensionis a regimine
vel administratione Suarum Ecclesiarum, ac Parochialium Ecclesiarum Rectorib(us), et
alijs quibuscunq(ue) sub excommunicationis latæ Sententiæ, et privationis eorundem parochi=
alium Ecclesiarum, et omnium aliorum beneficiorum Ecclesiasticorum quæ pro tempore
obtinent, nec non inhabilitatis ad illa et alia in posterum obtinenda, eo ipso per contra=
facientes incurrendis pœnis, ne eosdem fratres contra ipsorum privilegia molestare præ=
sumant, aut personis quibuslibet Ecclesiasticis, vel Secularib(us) in genere, vel in specie di=
recte, vel indirecte aliquid inhibeant, præcipiant, aut aliter ordinent, aut statuant quo
min(us) fratres Ordinis prædicti et illorum dom(us) professores privilegijs, et gratijs eis con=
cessis liberè uti possint. Et postmodum Nos in novissimo Lateranensi Concilio decrevi=
m(us), quod peccata per Fratrib(us) Mendicantium hujusmodi præsentatis Secundum Clementinam

Datis Romæ apud Sanctum Petrum sub annulo Piscatoris, die tertia
Decembris 1518. Pontificatus nostri Anno sexto.