Kunegundis Dei Gratia Boemorum
Regina Vniversis Telonarijs in Regno Boemia ad quos prae=
sens littera pervenerit gratiam suam sub obtentu gratiæ Domini
Nostri Regis & Nostræ præcipimus Vniversis tam Dominis quàm servis
telonia tenentibus tum in vijs tum in aquis quòd nullus telonium à
Fratribus Hospitalis S(ancti) Francisci Crucem cum stella portantibus audeat
exigere, sed liberum eis transitum faciant & concedant. Scientes quòd
Dominus Noster Rex & Nos prædictos Fratres sub nostra protectione te=
nentes per omnes partes Regni Nostri ab omni prorsus exactione seu
telonio liberos esse volumus & immunes. Anno 1265. Pragæ.

Nos Joannes Dei gratia Bohemiæ & Poloniæ
Rex ac Lucemburgensis Comes. Notum esse volumus tenore præ=
sentium tam præsentibus quàm futuris Quòd quia attestatione & testi=
monio Devotorum Nobis Magistri & Confratrum ipsius Ordinis Cruciferorum
cum Stella Hospitalis Sancti Francisci in pede pontis Pragæ sufficienter
sumus instructi quòd ipsi ab eo tempore quo non extat memoria videlicet
à primæva fundatione & plantatione Hospitalis ejusdem ex donatione
Felicis recordationis Regum & Principum Bohemiæ Illustrium Prædecesso=
rum nostrorum telonium quòd non solum ab Incolis Regni nostri, verùm
etiam ab aliarum partium Vniversis hominibus per pontem ipsum
transitum facientibus pro reparatione & reformatione pontis ejusdem
exigi & recipi consuevit, possederint, & illud possint ac debeant eo mo=
do qui sequitur in anteà jure quolibet extorquere, dictiq(ue) Reges lite=
ris & Privilegijs suis sigillatis sigillis quæ sicut dictorum Magistri &
Confratrum horum testimonio recepimus ignis per voraginem ex incauta
custodia sunt consumpta eis donationem hujusmodi confirmarint ità
scilicet ut Regnicola Vniversi de quolibet equo currus vel curruum unum
hall(ensem) denarium advena autem & alienigena undecunq(ue) ad Civitatem
tandem accedentes de uno quovis equo duos hallen(ses) denarios in suo in=
troitu & si quas res abinde duxerint sive intrantes tam Regnicola,
quàm advena unum de quolibet equo hallen(sem) denarium ratione telonij
solvere tantummodo teneantur. His autem hominibus qui tan=
tum circa Civitatem Pragensem ad spatium duorum milliarium residen=
tiam faciunt tam in introitu, quàm exitu utrobiq(ue) duntaxat exceptis.
Præterea si quis sponsam transpontem eundo & quocunq(ue) loco duxerit
ab eodem septuaginta & duos hallen(ses) denar(ios). De Judæo quoq(ue) mortuo