Wir Albrecht von Gotes gnaden Römischer künig Zue
allen zeiten Merer des Reichs vnd Zue hungern Zue Behem, Dalma(ci)
cien, Croacien, e(t)c(etera) künig vnd hertzoge Zue Osterreich. Bekennen
vnd thun kund offenbar, mit disem briefe, allen den die in
sehen oder horen lesen, Als wir von solher klage vnd Zuespruch
wegen, so der der Eruirdige Hanns Wolaw Maister des Spi(t)
tals vnd haußs Zue dem Mathies Zue Breslaw des Ordens der Creutz(i)
ger mit dem Sterne Zue den Viervndzwaintzigen, des Alten Ra(ts)
Zue der stat Zue Breslaw bißher gehabt hat, Von der Bleyche
wegen Zue dem Tore bey dem Vorgenanten hauße, Von der Muele
vnd dem Walckhauße vor dem selben tore auf der Oder gelegen,
die alles irs nutzens gewesen sein. Die Edlen Johansen von Ebers(t)
dorf vnser Cämmerer Zue Osterreich Jorg Eysack von Wels Rit(t)
ter, vnd Vlrichen Eytzinger, Erben(n)er vnser Rete vnd liebe ge(t)
treuen Von vnserwegen, vnd hansen Dirixler, vnsern Bottschraiber,
Dietern Pfenning vnd hansen Danck Von des Alten Raths vnd der
Viervndzwaintzigsten der stat Zue Breslaw wegen als Richter oder frid(t)
liche Schaidleute, vnd den Edlen, Briczken Zue Bappenhaim vnsern vnd
des hailigen Reichs Erbmarckalk, Rat vnd Lieben getreuen, als ai(n)
nen Obmann in den hernachgeschribenen sachen Zue Richten vnd au(s)
Zusprechen gesatzt vnd gegeben haben. Also ist auff heutt Datum dis
Briefs, Als sy den Zwisschen den hernach geschriben Parteien in des
Obgenanten Vlrichs Eytzingers Herberge, Zue Rechter Tage(s)
Zeit Zue Rathe sassen, fur sy kumen, Der Obgenant Hans
Wolaw Maister des Spitals Zue dem Mathies Zue Breslaw, vnd Von
seinen, vnd seins Convents vnd des Spitals wegen, durch seinen
erlaubten Vorsprech, Vor in in gerichtesweise furbracht, vnd
dem Obgenanten alten Rate vnd den Viervndzwaintzigen die
Vorgemelt sein Zuegesprochen, Wiewoll das Obgenante hauß vnd