Clemens ep(iscopu)s seruus seruor(um) dei. Dilectis filijs .. Mag(ist)ro et fratrib(us) hospitalis Jer(osol)imitan(i) sal(u)t(em) et ap(osto)licam ben(edictionem). Desiderijs u(est)ris
in hijs affectu beniuolo libenter annuimus que uos et hospitale u(est)r(u)m possint a dispendijs preseruare. Sane petitio u(est)ra nobis exhibita continebat
q(uo)d nonnulli Nobiles ac domini Rectores Consules ac Balliui locor(um) ad dampna u(est)ra et grauamina aspirantes in domibus uillis et curtib(us)
u(est)ris pl(ur)am tenent et curias ac interdum ibidem captiuos statuunt aut locant. Ibidem etiam aliquando in expensis uestris preter uolun
tatem u(est)ram equitaturas suas tenent ac dum occasione placitor(um) et curiar(um) huiusmodi moram trahunt inibi in animalibus uictualibus
et alijs rebus et bonis u(est)ris per uiolente captionis et usurpationis iniuriam dampna inferre multa presumunt. Homines quoq(ue) uestros de
corporis collectis et alijs exactionibus indebitis frequenter aggrauant et alias uobis ac hominib(us) memoratis se iniuriosos molestos multiplicit(er)
exhibent et infestos in quibus libertatis ecclesiastice priuilegio derogatur ac uobis preiudicium non modicum et dispendium generatur. Quare
nobis humiliter supplicastis ut prouidere uobis super hoc de benignitate sedis apostolice curaremus. Nos itaq(ue) attendentes
q(uo)d pro defensione terre sancte exponitis uos et uestra u(est)ris supplicationibus inclinati ne decetero a quoquam talia presumantur uel
etiam attemptentur auctoritate presentium districtius inhibemus. Nulli ergo omnino hominum liceat hanc paginam n(ost)re inhibitionis
infringere uel ei ausu temerario contraire. Siquis aut(em) hoc attemptare presumpserit indignationem omnipotentis dei et beator(um) Petri et
Pauli ap(osto)lor(um) eius se nouerit incursurum. Dat(um) Viterbij ij Non(as) Martij
Pontificatus n(ost)ri Anno Tertio.