Bonifatius ep(iscopu)s seruus seruor(um) dei. Dilecto filio .. Abbati monasterij de gradoraditz Olomucen(sis) dioc(esis) sal(u)t(em) et ap(osto)licam ben(edictionem). Et si cunctos sub religionis obseruantia mili
tantes fauore beniuolo foueamus tamen dilectos filios .. magistr(um) et fratres hospitalis sancti Johannis Jer(osolimi)tani qui mundanis illecebris salubriter abdicatis se diuinis ob
sequijs deuouerunt se suaq(ue) totaliter pro illis exponere non uerentes fauoris et gratie prerogatiua prosequimur et ad ipsius hospitalis solerter intendimus incrementum
moleste ferentes iniurias et iacturas que magistr(o) et fratribus ip(s)is a quibuslibet inferuntur. Cum itaq(ue) sicut ad n(ost)r(a)m peruenit audientiam magist(er) et fratres ip(s)i
a nonnullis qui nomen domini in uacuum recipere non formidant in eor(um) personis et bonis multipliciter molestentur Nos uolentes ip(s)or(um) magistr(i) et fratrum
prouidere quieti et peruersor(um) conatibus obuiare discretioni tue per ap(osto)lica scripta mandamus quatinus eisdem magistr(o) et fratribus efficacis presidio defensionis
assistens non permittas ip(s)os in personis aut bonis eor(um) contra indulta priuilegior(um) sedis apostolice ab aliquibus indebite molestari. Molestatores huiusmodi per
quascumq(ue) et cuiuscumq(ue) religionis conditionis aut status existant etiam si pontificali prefulgeant dignitate auctoritate n(ost)ra appellatione postposita compescendo.
Non obstantibus constitutionibus tam n(ost)ris quar(um) prima cauetur ne quis certis exceptis casibus extra suam ciuitatem et dioc(esim) secunda uero ne reus
alterius dioc(esis) ultra unam dietam a finibus eiusdem dioc(esis) auctoritate ap(osto)lica ad iudicium euocetur quam de duabus dietis in concilio generali et quibuslibet
alijs a predecessoribus n(ost)ris super hoc editis dummodo ultra tertiam uel quartam aliquis extra suam dioc(esim) auctoritate presentium ad iudicium non trahatur
seu si aliquibus a sede ap(osto)lica sit indultum q(uo)d interdici suspendi uel excommunicari seu extra uel ultra certum locum ad iudicium euocari non possint per
litteras ap(osto)licas non facientes plenam et expressam de indulto huiusmodi eor(um) personis locis uel ordinibus mentionem seu qualibet indulgentia dicte sedis
generali uel speciali per quam tue iurisdictionis explicatio in hac parte ualeat quomodolibet impediri. Attentius prouisurus ne de hijs super quibus lis est
forte iam mota seu que cause cognitionem exigunt et que indulta huiusmodi non contingunt te ullatenus intromittas. Alioq(uin) enim si secus presumpseris
tam presentes litteras quam etiam processum quem per te illar(um) auctoritate haberi contigerit omnino carere uiribus et nullius fore decernimus firmitatis.
Huiusmodi ergo mandatum n(ost)r(u)m sic prudenter et fideliter exequaris ut eius fines quomodolibet non excedas. Dat(um) Lateran(i) x. k(a)l(endas) Aprilis
Pontificatus n(ost)ri Anno Quinto.