Wir brud(er) Hesso von Zwierzriencz homeist(er) der baus(er) czu Behem Polon czu Ost(er)rich (et)c(etera)
sent Joh(ann)is ord(e)n von Jherusalem bekenn(en) offenlich mit dis(em) iginwortigin briff all(e)n dy
yn sehin hor(e)n od(er) lesin daz vor vns k(u)m(m)e(n) ist Niclos vorlor(e)n b(ur)g(er) czu Ritinbach mit
gut(e)n vnd wolbedacht(e)n will(e)n vnd vns hat vorlih(e)n vnd ge(gebe)n vnd gancz v(er)gebi(n) vier mark off(e)r
polonisch(er) zal g(ro)sch(en) i(n) n(u)cze czynse auff de(m) Rothaus czu Ritinbach seim son d(er) auch
Niclos vorlor(e)n heist vns(er)s ord(e)n brud(er) czu seim leibe vnd daz gelt ist geb(e)n yn vor sein(er)
muter teil dy lang gestorbin ist vnd wen der vorgenat brud(er) Niclos st(er)be so sull(e)n
dy vier marck czenses an daz haus czu Ritinbach gefall(e)n vnd ewichlich gehor(e)n an
alle wid(er)rede als daz wol leut in d(er) stat briff begriff(e)n ist den daz haus czu Ritin
bach mit andern briff(e)n dy czu hawse gehor(e)n hat darub(er) vnd dorbey daz dy egenant
gebunge vnd vorlihu(n)g mit vns(er)m will(e)n g(u)nst vnd gehaiss(e)n ist gescheh(e)n vnd vorbracht
darvme habe wir alle vorgenat(e) sache mit de(m) rat vns(er)r eltist(e)n chumpter(e)n belicet vnd
bestetigt vnd belic(e)n vnd bestetig(e)n sy mit dis(e)m briff vnd well(e)n vnd gepiet(e)n de(m) ch(u)mpt(er)
vns(er)s haus czu Ritinbach vnd den bruder(e)n so selbest dy do seint od(er) w(er)d(e)n bei d(er)
heilig(e)n gehorsam daz sy de(m) vorgenat(e)n brud(er) Niclos nicht sull(e)n an de(m) egenat(e)n czinse
hindern in keirlei weise sund(er)lich sol her den czinse neme(n) vnd auffhebi(n) weil h(er)
lebt vnd in czu seim nucze vnd beste anleg(e)n vnd ab daz gesche daz sich sein wes(e)n
v(er)kert vnd v(m)bwaldelt daz her and(er)swo solde sein so sol sein vat(er) d(er) vorgenat(e)
Niclos vorlor(e)n vnd sein swag(er) Jese d(er) schultas ist czu Bertoldsdorff weren
vor(m)u(n)de des selb(e)n cinse vnd geldes vnd daz uf hebi(n) vo(n) de(m) b(ur)g(er)m(eister) der stat
czu Ritinbach als lang als her lebt vnd ym daz sent(e)n wen daz notdorft worde
vnd doran wel wir auch vns(er) nochku(m)lig(e)n vorsetze(n) vnd vorpind(e)n vnd daz daz veste
vnd stett bleibe hab wir vns(er) jngsigl czu eim(e) geczewgniss an dis(e)n briff geha(n)g(e)n
der do geb(e)n ist noch cristi gepurt Anno (millesimo) ccc(esimo) nonages(i)mo nono f(e)r(i)a
qu(i)nta in Januarslatina