Frater Antonius de Paula Dei gra(tia) Sacræ Domus Hosp(ita)lis S(anc)ti Joannis Hier(osolimitani) et Militaris Ordinis S(anc)ti
Sepulchri Dom(ini) Mag(iste)r humilis pauperumq(ue) Jesu Xpi Custos. Ven(eran)do Religioso in Xpo nobis prechariss(imo) fratri Guillelmo
Wratislao Prioratus n(ost)ri Boemiæ Priori, uel cuicunq(ue) alteri in dicto Prioratu locumtenenti, seu presidenti Sal(u)t(e)m
in D(omi)no, et diligentiam incommissis. Cum ex literis multorum, certisq(ue) nuntijs compertum habeamus, Turcam Tyrannum,
Xpiani Nominis, et presertim n(ost)ri Ordinis acerrimum, et antiquissimum hostem, numerosam, ac potentem Classem presenti
anno moliri, et parare, ad nos, Insulasq(ue) n(ost)ras invadendum, et obsidendum; Cu(m)q(ue) par sit in tam imminenti, et quasi p(rese)nti iam
periculo omnes fratres, et Commilitones nostros, nobiscum adesse, ut eorum uirtute, consilio, reiq(ue) bellicæ usu, et pietate
iuuari possimus. Hinc est, quod cum deliberat(io)ne n(ost)ri Ven(eran)di Concilij, tenore p(rese)ntium, tibi precipimus, et mandamus in
uirtute Sanctæ obedientiæ, ac sub pena contra eos inflicta, qui mandata n(ost)ra executioni demandare negligunt, ut
aucte n(ost)ra moneas, et cites, seu moneri, hortari, et citari facias omnes, et singulos fratres Baiuliuos, Commendatarios,
Milites, et Seruientes armor(um), tam istius Prioratus, quam alterius cuiuscunq(ue), quos in limitibus eiusdem reperiri conti=
get (quorum nomina, et cognomina hic pro sufficienter expressis haberi uolumus) Pro ut eos harum serie monemus,
hortamur et citamus, quatenus pro totum mensem Maij proxime futurum, quem illis, et eorum cuilibet pro primo,
secundo, tertio, et peremptorio termino assignamus, compareant, et quilibet eorum personaliter comparuisse debeat
armis accinctus coram nobis in Conuentu n(ost)ro, suo ordini (pro ut ex professione tenentur) debita obsequia prestitur(i).
Demptis tamen, et exceptis Receptore, ac Procuratore n(ost)ri Communis Ærarij, in eodem Prioratu, et his qui uiginti
annorum ætate sunt minores, ac etiam qui propter senectutis imbecillitatem, et corporis inualetudinem, preliari
non ualent. Alias eo termino elapso, et ipsius non comparentibus contra eos, et eorum quemlibet procedemus, procediq(ue)
faciemus ad declarationem pænarum per statuta n(ost)ra, aplic(ati)q(ue) indulta, contra inobedientes, et mandatis suor(um)
superiorum rebelles inflictarum, V(idelicet) ad priuationem habitus, Commendarum, aliorumq(ue) bonorum, quæ possident,
eorum contumacia in aliquo non obstante. Concedentes tibi auctoritatem, et facultatem predictos fratres in=
obedientes, et rebelles elapso dicto mense Maij citandi, seu citari faciendi ad se priuari uidendum iuxta formam
statutorum nostrorum. Eos uero, qui ad arma gerenda, ac preliandum sunt impotentes, ut dictum est, enixè hor=
taberis, ut in tam necessarijs et euidentissimis periculis subsidium aliquod ordini n(ost)ro, tamquam eorum matri por=
rigant, et prestent. Volumus aut(em), quod ipsi fratres ad Conuentum accessuri famulos ad eis inseruiendum uiginti
annorum etate minores secum conducere minimè ualeant, ad hoc ut similiter ad preliandum habiles sint. Curabis
igitur premissa omnia, et singula ad unguem exequi, et de omnibus quamcitius fieri poterit per acta publica, et
autentica nos certiores reddere, Taliter aut(em) in premissis te geras ut tua apud nos (pro ut consueuisti) merea=
tur commendari sedulitas. In Cuius rei testimonium Bulla n(ost)ra Mag(ist)ralis in Cera nigra p(rese)ntibus est impressa.
Datum Melitæ in Conuentu n(ost)ro Die quinta Mensis Martij Millesimo Sexcentesimo Trigesimo quarto. ab Incar(natio)ne.
Jo(annes) Fran(ciscus) Habela Vicecan(cellarius)
fa(cta)
in Cancell(ari)a