Wir gebrudir Jorge pritzil von pogrelle. Vnd Sygemund pritzil von pogrelle Erbhr(e)n an habindorff vnd yn eyme teyle
nyder nedin peyle des wythbild(is) czu Rychinbach Bekenen offintlich mit desem brife alle den dy en sehen hore(n) adir
lesen das vns kome(n) ist petir axelzing(er) mete burg(er) czu Rychinbach vnd vns(er) sasse czur nedir pylaw. wol gesu(n)d ley
bes vnd synnen. Vnd hot mit wolbedochtem mute vnd vnbetwungen mit rate seyner Elichen hawsfrawen katherinan
vnd doran alle der seyn vnd nochkomelinge(n) recht vnd redelich vorkawft. czu eyme rechte(n) wedirkawfe vnd in bestende
willeclichen off gelossen dem Ersamen mane h(er)rn Jost dem Compt(ur) vnd der gancz(e)n Samenu(n)ge des Conuentis czu Ry
chinbach in der pfarre kirchen den Crucziger(n) dy do selbist ytczut adir h(er)noch komende werdin seyn. an yrre pictancie(n).
eyne marg geldis jerliches czins vmb czeen mark gutt prágischer muge(n) vnd polnischer czal yn vnd off seyne(n) dritthalbe(n)
hube Erbis in der Egenant(e)n nedirpeylaw gelegen czu neste hancz Conad(is) Erbe an dem ende vnd uff alle der selbin
dritthalbin hube erbis czu gehoruge is sey vil adir wenig bewegelich adir vnbewegelich nichts awßgenomen. den
selbin czins eyne halbe mark czu gebin nemelich uff den nesten Synte michelt tag der nw neste czu ku(n)nfftig wirt sey
vnd eyne halbe marg czu gebin uff den nesten Synte walpurg(is) tag dornoch neste volge(n)de ane arg den obgenan
then dem Compt(ur) vnd seynen brudir(n) dy do ytczut sey adir her noch komende w(er)din seyn. Vnd vor bas mer alle jor
jerlich dornoch komende alzo lange das sy wedir gekawft w(er)din vmb czeen marg der Egenan(ten) grosschen mu(n)cze vnd
czal. Vnd ap der czins uff dy Egenan(ten) czinstage nicht gefile noch bezald wirde alzo obingeschrebin steet So sal vnd mag
der vorbedachte Compt(ur) seyne brudir vnd nochkomelinge vmb yren vorseffen czins phenden mit vns(er) hulfe adir weme
wir das bevelen w(er)din alz offte vnd dicke alz en das notdorft w(er)t sey. vnd mit den selbin phandin sy auch thun vnd
lossen mogen seyn alle recht do mete woren begangen. Ydoch mit sulchen vnd(er)scheyde wene adir czu wilcher czeit
der obgenan(te) petir axelzing(er) katherina seyne eliche frawe yr kinder. ir nesten vnd nochkomelinge dy Egenan(ten) marg
czins vmb czeen marg wedir kawfen mogen adir wellin der obgenan(ten) grosschen mu(n)cze Vnd czal das zal en der Compt(ur)
vnd seyne brudir gnen an arg. vnd seynen nesten vnd nochkomelingen vngehindirt. vnschedelich vor sissin czinsin Czu
sulchen kawfe vnd offlossunge. zo habe(n) wir obgenan(ten) Erbhr(e)n vns(er)n willen vnd gunst gegebin. dach vnschedelich(e)n vns(er)n
obirsten. Vnd habin czu glewbuge vnd sicherheyt des obgenan(ten) kawfes. das der stete gancz vnd vnzubruchig(e)n gehal
din w(er)de des habe(n) wir obgenan(ten) Erbhr(e)n vns(er) jngesigel gehangen an desen brif der do geschrebin vnd gegebin ist czu
Rychinbach am nesten Sontage noch ostern Q(ua)simodo geniti infantes (et)c(etera) Noch cristi geburth Tawsint vyerhundirt jor
dornoch in dem Czweeundczwenczigisten jare :-