Ich Neinhart von winnkel vnd mein hausvrowe ver Chungund vnd alle vnser erben wir Jechen vnd tůn chunt allen den die disen prief
sehent vnd hozent lesen die nu lebent vnd noch chunftich sint. Daz wir mit bedachtem muet vnd mit gesamt hant vnd mit vnsern geer
ben gůtlichem willen zv den gezeiten da wirs wol getůn mochten haben gegeben dem haus zv Newrperch vnd den erbn hren sand
Johans orden vnsers rechten aigens dreisich phennig vnd sibenhalb phunt geldes wienn(er) munez die da ligent da zv Patzmanstorf
dez fumf vnd sibentzo phennig ligent auf vberlend daz ander auf vierdhalben lehen gesucht vnd vngesucht zv veld vnd zv dorf ge
stift vnd vngestift mit alle dem reche vnd wies gehabe han ich vnd mein geerben vmb sibentzechen phunt vnd vmb hundert phunt wi
enn(er) munez der wir redlich vnd rechtlich bricht vnd gewert sein Daz die red den wirgenanten hren zv Newrperch stet vnd vntzeprochen
beleib vnd dem erbn orden dez secz wir in zv einer ebentew vnsers rechten aigens ain hof der da leit zv wising zv veld vnd zv
dorf gesucht vnd vngesucht mit alle der vnd dar zv gehort vnd dreizich phennig geldes vnd vierdhalb phunt geldes die da ligent
da zv waltendorf vnd swaz die wirgenanten hren an dem wirgenante gelte zv Patzmanstorf vnd an der ebentew schaden nemen
mit aim landes recho daz sullen si haben auf alle der vnd wir haben in dem lande zv Ostrich vnd ob wir in dez indert wid(er) weren
sw(er) dann zv den gezeiten landes h(er)r ist in Ostrich vnd sw(er) an siner stat ist d(er) schol in dez gegen vns gehelfen mit vns(er)m gůtliche willen
an alles recho vnd daz dise sache den wirgenanten hren stet vnd vntzeprochen beleib vnd dem erbn orden dez gib ich in disen prief
versigelt mit meim insigel vnd mit meiner gůten vreunt insigeln h(er)n vlrichs von thoczenpach vnd h(er)n philips seins průders
die der red getzeug sint mit irn insigeln vnd and(er) erbr leut genůch den dise sache wol chunt ist. Der p(ri)ef ist gegeben da von
christes gepurt waren ergangen tausent jar vnd dreyhund(er)t jar in dem siben vnd zwainzigiste jar ansand katherin tach der
heyligen Junchvrowen