Ich Bruder Vlrich von Puchberg zv den Zceiten Maister zv Newnperch vnd der Conuent gemain da selbs
Wir Jichn vnd tun chunt allen den die disen Brief Lesent oder hoznt Lesen die nu Leben vnd hernach chunftic
sein Daz Bruder Chvnolt der Jvdecher mit vozdachtem mvte mit gevnthem Willen vnd vnbezwnngichen
hat gegeben Bruder Ayditz von Wildungsmavt ain phunt geltes d(a)z er leit zv Nawsirno d(a)z er fvrb
gehabt han zv seinem Leibe die weil vnd er Lebt vnd swen er nicht enwer so scholt ez geuallen an
daz Conuent vnd ditz selbe phunt geltes hat er gegeben dem vozgenant(en) Bruder Ayditz mit
vns(er)m vrlaub vnd mit vns(er)m gvten willen Dar zv hab wir mit gemainem rat gegeben vns(er)n
gunst Daz der selbe Bruder Ayditz daz phunt geltes haben schol zv seim Leibe die weile vnd
er Lebt vnd swen er nicht enist so schol ditz vogenante phunt geltes wider geuallen an daz
Conuent gen Newnperch Der rede vnd der sache ist gezeuch Bruder Johans von Hvnslintpach
zv den Zceiten prioz zv newnperch Bruder fridrich von Deck Bruder Erhart von waldpvrch Bruder
Chrolf Bruder Hans von Schavtsan Bruder Oet von Chozmpach Bruder Dieterich von Hvnslintpach
Avf d(a)z die rede stet vnd vnczeprochen bleibe dez geb wir disen Brief sigelt mit Bruder Vlrichs von
puchberg Insigel vnd mit dez Conuents Insigel zv ainer vrchund der sache Der Brief ist
gegeben nach Christ gepvrt Dreizchenhundert iar Dar nach in dem Neun vnd cwainzigistem Jare
am svnnevent d(a)z ist ansand Johans tage dez taufers