Wir Ratman der Stadt Reichenbach bekennen offentlich mit disem
brief vor yder menigklich das vor vns sitzenden rate die tugendtsame
fraw Agnes etwann hans Kellers gotseliger nachgelasene hauswirtin
hatt nider gelegt vberantwurt vnd geben den Erwirdigen hern
vnd Brudern Ritterlichen ordens des heiligen Sandt Johannes
dem Creutzhern vnser pfarr thehen margk ganghafftiger muntze
dieses lands recht dy gemelter hans Keller ir ewigen man
uff seinem todt bette yn folgendts egnan Creutz hern beschaiden
hatt soliche thehn margk obgnan hat der Erwirdig her Joannes
Buntzelcumpter mit sampt Bruder vincencio haws hawscumpter
B Bartolomeus von margenburg B Jacob von Lembergk
vnd B Paulus Pranna seinen brudern angenambt vnd von
vnserm Ratestische entpfangen des haben sich obgemeltenn
hern vnd Bruder von yren vnd al yren Nach komlingen
wegen verwilliget vnd ver pflicht darumb all yar yerlich
vor offtgelasstenn hans Kellern eine yarige tzoult zu dwn
advendt den Negsten dinstage vor dem getall mit der vigilien
vnd vff mitwoch darnach mit der Selmessen erlewchten mit auff
gesteckten liechten mit dem leuchttuch vnd ander zugehorungk
so sie yn gewonheitt haben zubegehn allemal die yarige tzoult
der suntages davor zuverkundigen vnd ab das nicht geschehe
da got vor sey das gedachten Creutzhern oder yren nach
komen daran sewmigk vermergt wurden sollen die nachgelassen
hans Kellers frewndt den offtgemelten hern vnd Brudern
yren zins hemmen vnd stricken so lang baß sie vor solich
Testamentt gnug thun zu vrkundt haben wir gedachten
Ratman vnser stadt Sigel an diesen brief hangen lassen den