Wir Maroldus von koring obrist(er) prior dez ordens Sant Johans s(pi)ttal(er)s czu Jher(usa)l(e)m czu
ost(er)reich czu polan czu Merhern czu k(er)nd(e)n all kunden mit dysem prief daz wir p(ru)eder
Ulreich dy czeit prior und pfleger der kirchen czu Mailperg habn geurlaubt czu habn seine
weingarten des drey achttail sint gelegen under rosenpannt an nehst wolfgers weingarten
czu habn czu seinen tagen und wan der egenant p(ru)eder ulreich abget mit dem tode so schal
sich des vorges(chrib)n weingartens von sant Johanes gotzhaws wege ein prior underwinten und
davon beleuchten und ausrichten czu nacht und czu tag daz lampenliecht daz do print vor
unser fraw(en) leichna(m) und czu einem waren urkhund der sache geb(e)n wir im den prief versi=
gelten mit uns(er)m anhangenden Insigel der prief gegebn ist Nach christi gepurt dreicze=
henhundert Jar darnach In dem aindern und newnczigisten Jar an dem nehsten Montag vor
Sant lucie tag : -