WIr Hans vnd Albrecht gebruder von Kvnring verjehen fur vns vnd vnsern bruder Jorgen von Kvnring der noch zw seinen beschaiden Jaren nicht kumen ist fur den wir
vnd vnsern leut annemen vnd fur all vnser erben vnd tun chund offenleich mit dem brief Allen den die den brief sehent lesent oder horent Dessen dze nun lebent vnd hernach
chunftig sind daz wir mit wolbedachtem mut nach rat vnser frewndt zw der zeit da wir damit recht woll thun mochten recht vnd redleich vmb ains wechsels getan haben
mit den Edellen vnd ersamen hern bruder Philipsen Topler dzezeit verbisser des haws zw awrperig vnd mit dem ganzen Conuent daselbs Vnd habend vnden zeamt
vnsern ekern vnd grwnden die wir gehabt haben zw Dtrenzendorf in dem Nidern vnd in dem obezren gegen awrperig wertz als die dann auf gezaigt vnd gemarcht sind
das alles vnsers rechten freyen aigen ist derselben vnser grwnt vnd eker vnser freyen aigen gut von den egenante Edeln vnd ersamen hern vnd allen iren nachkome zw ainem
freyen aigen gut vnd aufwechs geben vnd aufgezaigt vnd von der ganczleich abgetreten haben vnd da engegen sy vns zw ainem rechten aufwechs geben habent irs rechte freyen
aigens gut grwnt vnd eker auch gelegen zw Dtrenzendorf dze da stossent an d gancz durch vnsern teich daselbs dze zw paiden seiten vmb vnd vmb den teich grwnt vnd ge
stant sind dieselben ir and(er) leut grwnt vnd eker allsier die mit marchen vnd grwnden genemmet zw paiden durch vnsern teich bezaichent daz alles irs rechten freyen
aigen ist derselben irer grwnt vnd eker irs freyen aigen gut sy vns vnd vnsern erbn zw ainem freyen aigen gut vnd aufwechs geben vnd aufgezaigt vnd von der ganczleich
abgetreten habent Auch ob der benant vnser teych verrer trenchet oder sebiet fur die gemercht eker oder was wass(er)s oban begreiffen ist vnd das sew vnd ir armleut zuschaden
komen wie derselb schad genant wirt da sullen wir all obgenant von Kvnring vnd vnser erben da engegen vnsers rechten freyen aigen gut in vnd iren leute zw ainem wider
wechs geben eker vnd grwnt dazan sy vnd ir leut an gecluegen haben nach sammet leut vnd nach pawren dze geteilt leut vnd vngeweleut Auch haben wir in vnd iren
leuten da engegen zw ainem rechten widerwechs geben vnsers rechten freyen aigens gut eker vnd grwnt dazan sy vnd ir leut an gut genuegen von vns haben die auch zw
Dtrenzendorf daselbs gelegen sind in dem Nidern vnd in dem obern veld gegen awrperig wertz als die dann auf gezaigt vnd gemarcht sind vnd tretten in auch vns aigen eker
vnd grwnt daselbs zw Dtrenzendorf gelegen gegen awrperig wertz wessenleich ab mit craft des briefs also daz sy nun furbas all ir frum damit schaffen schulle vnd
mugen mit verkauffen versetzen machen vnd geben wem sy wellen vnd alles daz damit tun vnd handln als mit anderm irem aigen guettern wie in daz am peste fuegleich
ist vnd woll geuelt an all vnser vnd vnser erben vnd niemants leuths widerrueffen Wir seczen vns auch ich hans vnd Albrecht vnd Jorg geprueder von Kvnring vnd all
vnser erben der egemelten aigenschaft grwnt vnd eker mit iren zugehorungen als vor gemelt ist den obgenante Edeln vnd ersamen hern vnd allen iren nachkome zw rechtem
furstand gewern vnd schirm fur all anprach als aigens vnd des lands in Osterreich recht ist Bricht in aber mit recht dazan icht ab oder ob in aht krieg oder anprach dauon
aufstund von wem daz wer mit recht da sullen vnd wellen wir in an aller stat ausrichte vnd ruchtig machen an all ir schaden vnd sy sullen auch das haben auf vns vnd auf allem
vnserm gut da wir haben vnd hinder vns lazzen in dem land zw Osterreich oder wo wir es haben von sem chreftig oder tod Auch ist zwischen vnser beret waz da ob sy
auf iren grwnden ainen teich solt wieten dazin wir vnd vnser leut auch hieten da sullen wir in nind aufbehall stat tun doch also ob das an vnser vnd vnser leut schad sey vngenkut
dafur sullen sy vns vnd vnsern leuten grwnt vnd guett geben die vns vnd vnsern leute gelegen vnd Nuczleich sein damit wir vnd vnser leut vnser grwnt nach frum leut rat
geteilte leut vnd vngeweleut bezalt werden Vnd das alles so vor an dem brief geschribn stett geloben wir in stett zuhabn vnd zeuol furen mit vnsern trewn vngeuerleich Vnd
des zw aym waren vnd vesten vrkunt der sach geben wir obgenant Ich hans vnd Albrecht vnd Jorg gebruder von Kvnring den egenante Edeln vnd ersamen herrn philipsen
Topler dze zeit verbisser zw awrperig vnd dem gancze Conuet daselbs vnd allen iren nachkomen den brief versigelten mit vnsser paider Anhangenden Inssigeln Vnd
ich obgenanter Jorg von Kvnring gzabn Inssigel nicht enhab so verpind ich mich mit meinen trewn vnder der egenante meyn bruder Inssigel alles das stett zuhabn
das vor an dem brieff geschribn stett da sind gezeugen durch vnsser fleissigen pet willen die Edln Vlreiche der Mvnzpelich vnd Erhart der Twerer mit
iren paider anhangenden Inssigeln in vnd iren erben anschaden der brieff ist gebn zw Geweld nach cristi geburd vierzehn hundert Jar dornach in dem zway
vnd dreissigstem Jar An sand vrbans tag