Ich Bruder Hanns von Sassenhaim Comentewr zu Eudling ~des~ Johans Ordens Bekenn
vnd tun kund offenlichen mit dem brief Als mir der Hochwirdig ~vnd~ her Achaz wohumbs
Maister sand Johans Ordens zu Martperg In Osterreich Steir Karinden vnd Krain vnd
in andern vnsers Allergenedigisten herrn des Romischen kaisers ~etc~ ~In~ lannden mein genedig(er)
herr sein beslossen gewalt geben hat an seiner stat den Ersamen ~vnd~ weisen bruder Thoman
Swerzl Comentewr des haws zu sand Johanns in der Karnerstras zu Wienn zu der vorgenant(en)
Comentewrey sein lebttag zubestetigen Darauf hab ich ~aus~ kraft des vorgenant(en) meins
genedigen herrn des Maisters zu Martperg ~etc~ vnd in kraft meins gewalts den benant(en)
Bruder Thoman Swerzl In der gemelt(en) Comentewrey des haws sand Johanns zu Wienn
vnd aller seiner zugehorung bestettigt wissenclichen mit disem brief Also das er vnserm
genedigen herrn des Maisters zu Martperg ~etc~ gehorsam sein lebtag ~sein~ vnd der gaben verwefen
nuczen vnd niessen sol vnd mag in aller kraft vnd macht als das her chomen vnd von alter her
komen ist getrewlich vnd vngeuerlichen Des zu vrkund gib ich Im den brief vnder meinem
aignen anhangund(en) Insigel Geben zu Wienn an freitag nach sand Gregorien tag Nach
Cristi gepurd vierzehenhundert vnd darnach in dem Achtvndsibenczigisten Jare