Wir Burgermeister vnd Ratmanne der Stadt Bresslaw bekennen vnd thun kunt offinliche mit
diesem brieffe allen die Jnn sehn adir horen leszen das wir mit wissen willen vnd eyntrechtige rathe
allir vnser Eltisten Scheppe vnd gesworne hantwergkmeister vnd die ganze gemeyne arm vnd reich
durch sundiliche notdorfft fromen vnd bestis wille vnser stadt recht vnd redliche vorkaufft vffgericht vnd vor
schriben habe vorkauffen vffrichte vnd vorschreibe wir vns In crafft dieszis brieffs dem wirdigen
vnd andechtigen hern vnd brudern ordens Sancti Johannis Jherosolomitani vnd dem ganze Conuente
des hauszis ds heilige leichnams czu bresslaw funff vngerische gulden Jerlichs czinsze In vnd
vff alle vnser obingnant stadt gutter renten czinsen gisszen vnd enkomen wie die namen haben
adir gewynnen mogen keine ausgenomen vor hundert gutte vnge gulden die wir Jzundt von Jnn
empfange gezalt vnd by aller gnugezen vnd an vnser stadt nuczliche fromen vnd nucz gewandt
haben vnd sulch gelt czukaufft des briffs Erostewicz komen ist von sulche funff gulden czinsze sulle
vier komen czu viern messzen Eine von Sancte annen gelesen am dinstage die ander von Sanct
katherina der heilige merterynne wens man das volbrenge mag mit der collecta vor das ganze
geslechte Sanct vitten des gnan predigers eldistn vff dem altare der heilige czwelffbotte der funffte
adir gulden czu einer lampen vor dem altare beate virgi alles In vnser kirchen czum heiligen
leichnam die selbe funff gulden vngerische Jerlichs czinsze globn wir egnan Burgermeister
vnd ratmanne der stadt bresslaw die Jzund sein vnd In zciten sein werden desz stadt trwen
vnd ane arg den obgnan hern vnd brudern von allen obinbrurte vnser stadt gutter renten
czinsen gisszen vnd enkomen keine ausgenomen guttlich vnuorczuglich vnd ane hindernisse czu
richte vnd czubzalle vff einen tag desz Jaris nemlich vff Johannis Baptiste nehstkomende
czugeben funff vnge gulde vnd also furbas mehr alle Jar Jerlichs vff den gnan tagt
czufallen vngesumpt doch mit sulche vnderscheide vnd anczunge das wir vnd vnser noch
komen Burgermeister vnd ratmanne die czur czeit sein werden die gmelte funff gutte
vnge czinsze widder czu vns kauffen mogen vor hundert gutte vnge gulden wens wir
das von gemeyner stadt wege vormogen vorbessern ansehen vnschedig bis czu der
stunde halden wir dieszen briff mit vnsern anhangende stadt Secrete wissint
lich besigelt lassen der gegebenn Jst Sontags nach Johannis Baptiste nach Cristi
geburtt Tausent funffhundirt vnd Jm achtzehn Jare