Ich Johannes doringk bruder des ordins sancti joh(ann)is von iher(usale)m vnd Comptor
des hawßis zcum heyligen leycham czu Breslaw bekenne mith dyssym bryefe
das yn meyner kegenwertickeit do George Dithe Scholz czum Newdorff
mit den hye nochgeschrebn(en) Scheppn(en) llorentz becker Cristoff bunczel llorentz
Czulman Mathis barthke vnd Brosian barthke do selbist czu Newdorffe
dingk zcßyn Bestand hoth vor geschetztyn dynghe Peter Rudel meyn vnd(er)tan
vnd hoth offgecziht Bruder Stanislao wilhelm meyme schaff(er) czu handyn
der picturaen vnsirs hawßis eyn halbe margk yerliches czynzes off eyme
morgen ackirs den her yn dem obgenantyn dorffe hot geleghen twisschn(en)
hans alde Rudde vnd barbara bunczeleryne erbyn Czu gebyn alle jor gleych
dy selbige halbe margk off zanthe andrels tag an alliß hynderniß vnd
bey der phandunge vnd zo der obgnante peter Rudel ader zeyne nochkome(n)
lust hot margk abczulozyn dy halbe margk zo zal man ym das borgmen
abczulozyn vmb funff margk heller ganghaffter monczyn vorczehyn
czynßyn vnschedelich vnd bezund(er) des Comptors Erbayngen Des czu
eyne(r) geczewgniß hac ich obgnante(r) Comptor meyn jngesigel an dysen
brief lossyn henghen Gege(n) noch Cristi Geburth ym funffczehnhund(er)t vnd
ym virdyn jore am mithwoch noch der heyligen dreij konige tage