Ich Johannes doringk bruder deß ordins zanth Johans von ~rhu~ vnd Comptor
deß hawßis czum heyligen leydna(m) czu breslaw Bekenne mith dyczym
briefe das yn meyner kegenwertikeyth do George otthe scholcz czum
Newdorff mit den hye nochgeschreby(n) scheppyn llozenz becker Czistoff
wa(n)kichel . lorencz nithmay . Mathis barthke vnd brosian Barthke do
zelbist czu Newdorffe dingke zößyn Bestand hot vor gehegethym dynghe
Vrban kuthel meyn vnd(er)zöze vnd hot bekanth wye das recht ist das her
hot gekawft zeyn erbe mith eyne(m) halby(n) morghe(n) ack(er)ß do von czu geby(n)
alle jor eyne(n) firdingk czynß vnßir kirchen czu dem heyligen leydna(m) do
vor gelobit der obgenante Vrban kuttel vor zych vnd zeyne nochkomelinge
den firdingk czynß czu gebyn alle jor gleych off Mychaelis noch dem als
her vor mole gegeby(n) ist on alliß hynderniß vnd bey der phandunge vnd
den zelbigy(n) czynß weder abczulözy(n) vmb czwe schock groschen borczisyn
czynzen vnschedelich vnd bezund(er) deß Comptors erbeyniß Des czu eyne(m) ge
gewißniß hac ich obgenat(er) Comptor meyn jngesigel loßy(n) hengy(n) an dizen briff
Gege(n) noch x(rist)i geburth funffczhenh(un)d(er)th ym firden jore am Mitwoch noch Martini