Mein freuntligen dinst und grus zuuorn Wirdigen gern, bsun
ders gutten freunt und gonner, ich bin in Prag verschinen
tagen in ewrem closter gewest und dieweil ich euch hie
innen nicht angetroffen hab, hab ich dem prior und
sunst auch andern mit brudern beneben Ime anzaigt das
heute die kunigliche maiestat zu ganczen Behem mein al
lergnedigster her ein begnadung gethan auff die magnu(m)
sin kunigliche g(na)d g(na)d beuelhung empfangen, wie ir und
das conuent das gutt und dorff tauow unuerainigt von
kuniglichen obrikaiten und regalien zu ableng Innehabt und
besiczet, und was sich als doran befindet, das ir oder
das conuent von unbillig oder fellig worden, dasselb
alle gerechtigkait und anfall so es der kunigliche(n) ma(ies)t(at)
als kunige zu Behem und herczogen in slesien an den
gemelten dorffe tauow kumen wer, hatt mir sein kunig
liche g(na)d zu fordern, Inzuhalt verlichen und ubergebe(n)
laute und Innhalte derselben seiner kuniglichen g(na)d begna
dung daruber briefflich uffgegangen, darauff ich ewren
prior und mitbruder freuntlich angelangt (welchs sie
auff sich genomen) sie wolten euch hie lengwe auff
ewre ankunfft solch mein furtragen und anzaigen
vermelden, und daneben anlangen, ir wolt mir ewer
und des conuents recht so ir uber gedengt gutt tauow
zuhaben vermaint, gutlich weisen, und mir des ein
tag alhie in mein behausung gen sternstein bestim
ben, wan ichs selbs gehorlich sein wolt, behalben
wer euch nach bleibe(n), darumb ich euch kuczlich nach
mahls hie obereinst freuntlicher weiss mit disem mei
nem schreiben ersuche und begere wollet mir ewre
recht und gerechtigkait damit ir das gutt tauow Inne
habt und besiczt gutlich weisen und schawen lassen
und mir auch des ein unuerzuglichen tag durch ewre
schrifft bey kegenwertigem meins botten ernennen, so
wil ich mich zu euch mit etzlichen meinen freunden
verfugen, dasselb ewer recht anschawe(n) und uberlesen