Ich Vlreich der Grewl bekenn vnd tun kunt offenlich mit dem brief vmb alle die vodrung
die ich hintz sand Johans orden ze furstenueld oder anderswo gehabt han das ich der aller sach
gentzleich vnd gar berichtt vnd gewert pin Vnd sol ouch ich darumb hintz dem egemanten sand
Johans orden furbas nymmermer chain anspruch haben noch gewunnen weder vmb vil noch vmb
wenig in dhainen wegn Vnd daruber so gib ich in den brief zu einem warn vrchunt der
sach versigilten mit meinem anhangunden insigil Der gebn ist nach kristi gepurt dreutzehn
hundert iar darnach in dem dreu vnd achtzigistem iar an sand Johans abent ze Sunnbentn