Ich bruder Mertt der keller Comedur des haws Johanniter ordn zu Fursteneld vnd wir die bruder da selbs gemaynklich bekennen fur vns
vnd all vnser nachkomen alz wir zwayg gewesen sein mit den erbern vnd weisen dem Richter Rat vnd der ganzen Gemayn der Stat
zu ffurstenueld von etlicher Grunt vnd Purgmerkch wegn gelegn zwischen der selbn Stat vnd dz dorffs genant zu Nlden markch
dar awoff der durchleuchtig hochgeborn ffurst Herzog Fridrich der Junger Herzog zu Osterreich ec vnser genedig herr dye
edln vnd vesten leopolden den Apach landscreiber in Steir vnd Berchtolden Chrotendorffer phleger zu Gesting in dye kuntschaft
vnd Beschaw der selbn Grunt vnd Purgmerkch ze komen gescaffen hat nach vnser obgenoter paider tail pitten vnd wegern
die dye da solten versuechen vns vmb soliche vnser zwaiung mit vnser baider tail will vnd wissen ze aymgn die vns also
nach obgemelter kunthschaft des beschawen der obgenotn Grunt vnd Purgmerk aymutiklich mit vnser baider tail will
vnd wissen von solicher zwaiung geaingt vnd entschaiden haben in solicher beschaidenhait daz von dem
Stain gelegen im leber vnder Aldenmarkch dar awoff dye von ffurstenueld fur Jren marchstayn gezayg habn
angehebt ze messen buchcrab in end des Akcher gelegen enhalb der ffeustricz den wir vns zu vnserm haws
gezalt hetten die selbn Grunt von den edlen ffridreichen Mittereker vnd Nchaczen dem ffuter fas der Sach witman
vnd entschaider baider tailn gegebn vnd awoff gesaczt In gegenburtikait der beschaidn Jnglenn hansen mulner
Michel pawr vnd Nicklosen des plumdrechser all hewslich zu Fildenmarkch gesessen vnser tail vnd die erbere
Jacob ledrer hannsen Sawmolter Colman der lamer vnd Ott huter all Burger zu ffurstenueld des tails e
leich nach Jrem pesten rechten Geczwercz von einander getailt ayns als vil edreichs als dem andern tail vnd
aysanleich von den lengtn zehen mannen paider tail mit hatern vnd awoffgesecztm Marchstayn alz sy
Jecz pan newn dinczen awoff geworffen vnd awoffgezaygt daz also der obgenotn Richt Ratt vnd der ganzen
gemayn der Stat zu ffursteneld vnd alln Jren nachkome der tail der in der selbn awoffzaigung am nachste
der Stat ffurstenueld leit vnd der ander tail der selbigen awoffzaigunge der am nachsten vnsern dorff laut Aldenmarkch
der benotn Stat vnd vnsern dorff vnd alln Jren baider tail Jnwonern vnd nachkomen des awoffgezaygter nachster
tail an Jrrung des andern hinfur beiblich beleibn sol vnd was wir vnd vnser oder ander herren lewt zu Aldenmark
gesessen vnd die Burger zu ffursteneld gesessen an baiden enden nach der leng der selbn awoffzaigung Grunt Akcher
oder wisen habn vnd der Jecz in nucz vnd gewer ist da sey sol auch Jede tail mit Jnfart vnd awoffart beib
lich beleibn als in alter herkomen ist awssgenom der Bawgemelt Akcher gelegen enhalb der ffeustricz den wir vnsern
haws vnd ordn zugezalt hetten der sol hinfur den Burgern zu ffursteneld beiblich beleibn an vnser baider all vnser
nachkome Jrrung vnd widersprechen als oben begriffen ist geschech aber des nicht daz wir daz in ayns od menigern
Artikl vberfuren vnd nicht stet hieldn als oben begriffen ist daz wissentlich wurd So hetten wir obgemelt Comedur bruder
vns nachkome all vnser zuspruch vmb die obgenotn Grunt vnd purgmerk vlorn vnd wern darzu dem cratigenotn vnsern
genedigen herrn dem Herzog ec vnd alln seinen erbn zwailhundert phunt verfalln die in vrzund gebn wir in den
brieff rofageltn mit meins obgenotn bruder Mertens aign anhangndn Insigl vnd durch pesser zeugnuss vnd sicherhait
willn habn wir ee genot Comedur bruder fleissiklich gebetn den erwirdign vnd gaistlichn herrn bruder hansen Comedur
zu Mellink vnses ordns Stathelter in Osterreich in Steir ec vnsern libn vater daz der auch sein Insigl an den brieff gehangen
hat dar vnder wir vns verain alles daz stet ze haldn daz in dem brieff geschribn stet wem wir nicht aigen Insigl gehabt habn
Geby nach Christi gepurd virzechenhundert Jar dar nach in dem Sibn vnd dreissigstn Jar des Erichtags vor leonhardi Confessor