Frater Don Raymundus de Perellos et Rocafull Dei
gratia Sacre Domus Hospitalis S(ancti) Joannis Hierosolimitani, et Militaris Ordinis S(ancti) Sepulchri Dominici, Magister humilis, pauperumque Jesu Christi Custos. Religioso in Christo Nobis perquam charissimo Fratri Fran=
cisco Antonio Comiti de Konigsegg Ordinis nostri Magno Baiuliuo Salutem in Domino Sempiternam. Preclara virtutum tuarum merita, Multiplicesque Animi tui dotes, quibus insigniri dignosce=
ris, et grata Nos Commendant, necnon laudabilia obsequia per Te Nobis, Ordinique nostro prestita, et que in dies sedulo prestare non desinis, promerentur, ac nos inducunt, ut te quibus possumus fauo=
ribus, et gratijs prosequamur. Cum itaque ex forma Statutorum, et laudabili consuetudine Ordinis nostri, quolibet quinquennio in singulis nostris Prioratibus, et Castellaniis Emposta, uigore preemi=
nentie nostre Magistralis de una Commenda uacante nostro Arbitrio acceptanda Fratri Nobis beniuise prouidere ualeamus: Hinc est, quod premissorum meritorum tuorum intuitu, et contemplatione
Tuam, Baiuliam, seu Commendam nostram de Stitgau Prioratus nostri Bohemie per obitum quondam Commendatarij fratris Maximiliani Comitis de Kuespergh ultimi legitimi dicte Commende
de Stigau Commendatarij, et possessoris ad hoc, siue alio quouis modo uacantem presentialiter et ad nostram collationem, donationem, et omnimodam dispositionem spectantem, et deuolutam, cum
omnibus, et singulis suis Membris, iuribus, et pertinentiis uniuersis ad ipsam spectantibus, et pertinentiis seu spectare, et pertinere debentibus quoquomodo, et cum quibus illam
prefatus quondam Commendatarius frater Maximilianus Comes de Kuesperg habuit, tenuit et possedit, seu habere, tenere, et possidere quomodolibet debuit, habendam, tenendam, possidendam,
regendam, augmentandam, et meliorandam in spiritualibus, et temporalibus, tam in Capite quam in Membris, sub annuis solutionibus Jurium et quorumcumque onerum Communi Erario
Ordinis nostri impositorum et imponendorum secundum Communem Ratam aliarum Baiuliarum, seu Commendarum dicti Prioratus in Capite Prouinciali Prioratus eiusdem, uel in festo
S(ancti) Joannis Baptiste de Mense Junij annis singulis infallibiliter exsoluendorum, saluo etiam, et reseruato Jure Mortuarij, et Vacantis, saluis insuper et saluis dicto Capitulo Prouinciali
#1l
et sexaginta in supplementum portionis uacantis eiusdem Commende de Stitgau certis respectibus per Nos nostro arbitrio non dandis, conseruandis, et retinendis. Alias in defectu solutionis
Jurium, et pensionum huiusmodi, seruare seriem, et tenorem stabilimentorum, ordinationum Capitulorum generalium super solutione Jurium Erarij edictorum, et promulgatorum de
dicta Commenda expresse precipimus, in eadem collatione huiusmodi de dicta Commenda tibi facta in aliquo non obstante, de nostra certa scientia et speciali gratia tenore presentium
ad annos decem continuos, et completos ex uoluto ad nostrum, nostrique Conuentus beneplacitum tibi conferimus, concedimus, et donamus, te faciendo in eadem: Teque Commenda=
tarium in illa constituimus, et ordinamus: Committentes tibi circa curam, regimen et administrationem, ac omnimodam dicte Commende, iuriumque, et furium eius defensionem,
et recuperationem tam in agendo, quam defendendo, statum sicut uices nostras. Quocirca uniuersis, et singulis fratribus, sororibus, et Donatis uocatis subditis, ac hominibus
uassallis, et quibusuis alijs Nobis subditis in dicta Commenda constitutis, presentibus, et futuris, sub sacramento fidelitatis, et homagij, quo Nobis et Religioni nostre sunt astricti precipimus, et
mandamus, ut tibi tanquam eorum superiori et Commendatario reuerenter pareant, obediant, et intendant, tibique prestent auxilium, consilium, fauorem in omnibus concernentibus
utilitatem dicte Commende, quotiescumque opus fuerit et eos duxeris requirendos: Necnon uniuersis, et singulis dicte Domus nostre fratribus quacumque Auctoritate, Dignitate, Officioque fun=
gentibus, presentibus, et futuris mandamus, ne contra presentes nostras litteras aliquatenus facere, uel uenire presumant, quinimo ueram earum tenorem studeant inuiolabiliter obser=
uare: Atque cuicumque in Ordine nostro hoc primitus requisito mandamus, ut te uel Procuratorem tuum in pacificam et quietam et imminentem possessionem inducat, et inductum
conseruet, omni potentia contradictores amouendo ab eadem quolibet illicito detentore si quis fuerit, quem nos tenore presentium amouemus, decernimus firmiter amouendum: Saluis
#1l
licentia Magistri Religionis, absque qua de Jure, pro tempore existentium et si quid per oppido inhibitionem nostram huiusmodi aliquid, uel aliquos per te, seu per alterum te conscio, et illud
et illos ex nunc, prout ex tunc cassamus, annullamus, et decernimus irritum, et inane, nulliusque penitus existere roboris, uel efficacie: In cuius rei Testimonium Bulla nostra
Magistralis plumbea presentibus est appensa: Dat(um) Melite in Conuentu nostro: Die uigesima quarta mensis Aprilis millesimo septingentesimo decimo nono.