Frater Emmanuel Pinto, DEI
gratiâ, Sacræ Domus Hosp(ita)lis S(an)cti Jo(ann)is Hierosol(ymitani), et Militaris Ordinis S(an)cti Sepulchri Dom(ini) Mag(iste)r humilis, Pauperumque Jesu Christi Custos: Et nos Conventus Domus eiusdem: Ven(eran)do Religioso in Christo no=
bis præchariss(i)mo Fr(atr)i Michaeli Ferdinando Comiti de Althann Ord(inis) n(ost)ri Bajul(iv)o, n(ost)rique Ven(eran)di P(rio)ratus Bohemiæ Militi sal(ute)m in D(omi)no sempiternam. Præclara virtutum tuarum merita, multiplicesque animi tuis
dotes, et laudabilia obsequia per te multis ab hinc annis summa cum fidei probitate, singularíque prudentia Ordini nostro præstita, et quæ in dies sedulò præstare non desinis, promerentur, ut te ad excelsior gra=
dus, et majora commoda, amplioraque regimina Ordinis nostri promoveamus. Cum itaque Bajulivatus, seu Com(men)da n(ost)ra Cap(itu)laris S(anc)ti Josephi in Doschiz aliàs in Carlostat per obitum Ven(eran)di q(uon)dam fr(atr)is Jo(ann)is Caroli Bar(on)is
de Bieschin nuper vacaverit, et de p(ræse)nti vacet; volentes optimo illius regimini (prout tenemur) providere: Hinc est, quòd d(ictu)m Bajulivatum, seu Com(men)dam n(ost)ram Cap(itu)larem S(anc)ti Josephi in Doschiz per obitum p(ræ)fati Ven(eran)di fr(atr)is Jo(ann)is
Caroli Bar(on)is de Bieschin ultimi leg(iti)mi hui(usm)o(d)i Bajulivatus Bajulivi, et Possessoris, sive hoc, sive alio quovis modo, aut ex alterius cujuscumque persona vacantem præsentialiter, et ad n(ost)ram collationem, electio=
nem, don(ation)em, et omnimodam dispositionem spectantem, et devolutum, cum omnibus et singulis prærogativis, antelationibus, præeminentiis, honoribus, et oneribus, membrisque, et prædiis, ac aliis suis Juribus, et
pertinentiis ad eumdem Bajulivatum spectantibus, et pertinentibus, seu spectare, et pertinere debentibus quoquomodo, et cum quibus illum præfatus Ven(eran)dus Baro de Bieschin, cæterique Ordinis nostri Fratres
habuerunt, tenuerunt, et possederunt, sive habere, tenere, et possidere quomodolibet debuerunt, habendum, tenendum, possidendum, regendum, augmentandum, et meliorandum in spiritualibus, et temporalibus,
tàm in capite, quàm in membris, sub annua solutione Jurium, et quorumcumque onerum Co(mmun)i Ærario Ordinis n(ost)ri impositorum, et imponendorum secundùm co(mmu)nem cursum aliarum Bajuliarum, seu Commen=
darum mem(ora)ti P(rio)ratus Bohemiæ, in Capitulo P(ro)v(incia)li P(rio)ratus eiusdem, vel in festo S(an)cti Jo(ann)is Bapt(ist)æ de mense Junij per te annis singulis infallibiliter exolvendorum: Salvo etiam, et reservato Jure mortuarij, et
vacantis; aliàs in defectu solutionis hui(usm)o(d)i secundùm seriem, et tenorem Stabilimentorum, Ordinationum, Consuetudinum, et Constitutionum Capitulorum Generalium super solutione Jurium Ærarij
eiusdem ditarum, et promulgatarum de dicto Bajulivatu, seu Com(men)da n(ost)ra Capitulari expressè præcipimus provideri, collatione hui(usm)o(d)i de d(ict)o Bajulivatu, seu Com(men)da n(ost)ra Cap(itu)lari tibi facta in aliquo non obstante: Invi=
cem maturo, et deliberato consilio, de nostra certa scientia, et speciali gratia, ad annos decem continuos, et completos, et ultrà ad nostrum beneplacitum, Tibi Ven(eran)do Fr(atr)i Michaeli Ferdinando Comiti de Althann
tamquam digno, capaci, et optimè merito conferimus, concedimus, et donamus, benefaciendo in eodem: Dantes tibi in n(ost)ro Ven(eran)do Concilio, et Capitulo Generali, cunctisque n(ost)ri Ordinis Sessionibus locum dicto
Bajulivatui congruentem; Teque Bajulivum Capitularem in d(ict)o Bajulivatu constituimus, et ordinamus. Committentes tibi circa curam, regimen, et administrationem, ac omnimodam d(ict)i Bajulivatus, bonorumq(ue)
et Jurium eius defensionem, et recuperationem tàm in agendo, quàm defendendo totaliter vices nostras. Quocirca universis, et singulis Fratribus, Sororibus, et Donatis in virtute S(anc)tæ Obedientiæ, ac hominibus Vas=
sallis, et quibusvis aliis nobis Subditis in d(ict)o Bajulivatu constitutis p(ræse)ntibus, et futuris, sub Sacramento fidelitatis, et homagij, quo Nobis, et Religioni nostræ sunt astricti, præcipimus, et mandamus, ut tibi
tamquam eorum Superiori, et Bajulivo reverenter pareant, obediant, et intendant, tibique præbeant auxilium, consilium, et favorem in omnibus concernentibus utilitatem d(ict)i Bajulivatus, quotiescumque opus fuerit,
et eos duxeris requirendos. Necnon universis, et singulis d(ict)æ Domus nostræ Fratribus quacumque auct(orita)te dignitate, officioque fungentibus p(ræse)ntibus et futuris mandamus, ne contra p(ræse)ntes n(ost)ras l(itte)ras aliquatenus fa=
cere, vel venire præsumant, quinimò juxta earum mentem studeant inviolabiliter observare. Atque cuicumque Fratri Ordinis nostri super hoc primitus requisito mandamus, ut te, vel Procuratorem tuum
in pacificam, et quietam d(ict)i Bajulivatus possessionem inducat, et inductum conservet; amoto ab eodem quolibet illicito detentore, (si quis fuerit) quem nos tenore p(ræse)ntium amovemus, et decernimus firmiter
amovendum. Inhibentes tibi in virtute S(anc)tæ Obedientiæ, ac sub pœna Stabilimentorum contrafacienti inflicta, nè prætextu donationis nostræ hui(usm)o(d)i aliquid, vel aliqua de rebus, bonis, juribus, prædijs, locis, et qui=
buslibet Jurisdictionibus d(ict)i Bajulivatus, vel membrorum eiusdem vendas, des, impignores, permutes, distrahas, sive in emphyteusim perpetuam, aut ad tempus concedas sine speciali n(ost)ra licentia, Magistri,
Religionis, atque Capituli Generalis pro tempore existentium. Et si (quod absit) contra inhibitionem n(ost)ram hui(usm)o(d)i aliquid, vel aliqua operari, seu facere te contingat, illud, et illa ex nunc prout ex tunc cas=
samus, annullamus, et decernimus irritum, et inane, nulliusque pœnitus existere valoris, vel efficaciæ. In cujus rei Testim(onium) Bulla nostra Communis plumbea præsentibus est appensa. Dat(um) Melitæ
in Conventu nostro Die xxj. Mensis Februarij 1747. ab Incar(nation)e juxta stylum n(ost)ræ Cancell(ari)æ secundum verò cursum ordinarium 1748.