Frater Ioannes Leuesque de la Cassiere Dei gratia
sacrae domus hospitalis sancti Ioannis Hierosolymitani Magister humilis pauperumq(ue) Iesu xpi custos Vniuersis et singulis presentes nostras
literas visuris lecturis et audituris salutem Notum facimus et in verbo veritatis attestamur, quod anno domini Millesimo quingentes(imo)
septuagesimo secundo ab Incarnatione Die prima mensis februarij, In Ecclesia diue Marie Carmelitarum sacra in Ciuitate Vallette
sita nobilis vir Bartholomeus de Logan Cupiens deo beateq(ue) virgini Marie ac diuo Ioanni baptista patrono nostro sub virtutum regu=
lari habitu in obsequijs pauperum et tuitione fidei perpetuo inseruire, ac nomen suum Militiae nostrae dare inter missarum solennia
recitato Euangelio ornamentis ac insignibus militaribus a Reuerendo in xpo nobis charissimo fratre Wiberto de Rosenbach Com=
menda n(ost)ra de Basel prioratus Alemanie Commendatario id numeris ex delegatione et Commissione n(ost)ra obeunte decoratus et donatus
fuit, ac postea peracto sacrificio idem nobilis Bartholomeus de Logan post suorum peccatorum confessionem ac sacram corporis Christi
communionem obtulit personam suam Deo deig(ue) genitrici Marie et sancto Ioanni baptista patrono nostro, vouens ac sancte promittens
obedientiam, castitatem et proprij abdicationem iuxta regulam nostram, secundum cuius statuta dictus nobilis Bartholomeus de
Logan se velle deinceps viuere publice professus est, aperto missali tactis sacris literis ac manibus suis positis inter manus prefati
fratris Wiberto de Rosenbach vice ac nomine n(ost)ro votum recipientis a quo demum pallium cum cruce alba octogona quod est insigne n(ost)ri
ordinis cum ceremonijs et solennitatibus consuetis et a statutis n(ost)ris requisitis accepit et indutus, Et inter fratres Milites veneranda
lingua Alemaniae Prioratus Bohemiae annumeratus fuit In cuius rei testimonium bulla n(ost)ra Magistralis in cera nigra presentibus
est impressa Datum Melita in Conuentu n(ost)ro Die mense et anno supradictis
R(ecep)ta
Regens Cancell(aria)e