Jeremia hampel gesworichter von den erbfouen zcum Gowleperge vnnd
wir scheppen im stardinge daselbist Nicolaus Tyme Gregor schula michel
Sreniler hanns vost hanns forman Jacop lobeschia vn(d) kuncze kesel
bekennen das vor vns in gehegetem dinge der vorsichtige hanns haze
gesunt leibis vnd synnen bekantte das her vorkaufft habe Eyne mark
geldis yerlichs czinses die hir hat off hares hoeff forwery vn(d) allis das
vm(b) statrechte sey hannse schickens vnd Catherinan seyme eeweibis nach
lautte seyms gewichtsbrieffis den Eerfurchtigen vn(d) andachtigen h(er)n vn(d)
brud(er)n des lobelichin Conuentus der Crczuziger Ordins dis hawses zcum
Gowleperge zcu yrer semt ad(er) ir nactimale sein werdin in ire pietencia
davor hir eyns teils mit geretschaft vnnd auch eyns teils mit bestellungen
zelegeretis also ewigen vigilien ir als sie em zcuvorschreibin vn(d) anhalden
gelobet habin vorgenugit ist domme hir en den hewptcinsbrieff antworte
vn(d) en den mitsamt den cinsen entrewmete vnd abetrat Inmase das di
genanten h(er)n vn(d) brudere zcu irer pietencia furbas mit dem selbin hewptbrieffe
ford(er)n hebin vn(d) zcu ewigen czeitin eygen vn(d) vngehindert vor em vn(d) den seyne
habin sullin dr fort zcu kauffin ad(er) zcu vorwechsieln tuende vn(d) lasende damete
Jdach vnschadelich freyer abelosunge der erbybesiczere Mit urkunde dis
brieff Gebin am donrstage vor Oculi Anno dom(ini) M(illesim)o cccc(esim)o lx(esim)o