So vnde In vorgangen czeiten vmb iglichi czweitracht czwitracht vnde vneynikeit czwisschen den wirdigen vatern vnde brudern des Closters
sandi francisci czu czittaw vnde den wirdigen hern Cumpter vnde pfarer daselbst von wegen der begrebnisse In das closter erwekt erwacht
sin vnde erstanden ist hat der Erwirdige vater lodewicus vom Baban der heiligen schrifft doctor vicarius des closters czittaw minster
vnde obirster mit sampt dem Gwardian vnde Conuent vff eincz teil vnde der wirdige vnde Achtbar her Clement falsche Cumpter
mit sampt pfarer vnde brudern vff dem andern teile vorgenomen mit gutter Rathe der bisten erdacht vnde erkant czweitracht czu
tilgen arg czu uorkomen vnde irgermis das vnder dem volke erwachsen mochte ein Contract vnde concordia In form vnde wise
geendrachtiget wie das hernach volget Rathe gemacht Czu ersten So Iemandis begrebnisse In das Closter sancti francisci erwelen
wurde sullen vnde wollen sich die vater vnde bruder sancti francisci nicht vnderwinden sulche leiche wie die heissen die vff zu
heben czu holen Is sey denne das her der pfarer vnde schulern vff geantwurt also nach wonheit gehat vnde getragen an eine Ecke
des kirchoffs der pfarre nach bequemer weise vnde gelegenheit der Stat vnde gassen alsdenne sullen die hern vnde vater des closters
sulche leiche empfahen vnde zu grauen trecken der schulmeister aber die schuler mit den schulern In die pfarkirchen In chori
phane vnde gesange czu der begrebnisse nach loblicher gewonheit leutent vorbringen vnde singen Auch ist vorwilleget wurden
so Iemandis das heym ein begrebnisse erwelen begirnde In die pfarkirche getragen zu werden wollen sie sie In die kirchen empfa
hen vnde annemen sulche belusunge der leiche sulle den hern die pfarer vnde schulmeister von den vatern des closters czu czittaw
vnde In bequemer stunde abentzeit vnde gesaget werden das dornoch habende zu bereiten vnde schicken Auch sulle das leich
tuchin vnde begrebnisse wie In der pfarre durch den pfarer vnde schulern gehalt vnde nach cristlicher gewonheit gebracht werden
Alsdenne nach volnbracht In das closter vff das allenthalbe vnder der pfarre leute schulmeister nicht abebrochen noch In geistli
keit empfremdet wurde So auch Iemandis ye so arm were vnde In das closter begrebnisse erwelte sulche purgatit vnde belon
den pfarhern en schulmeister nicht vormochte zu geben wollen sie ys vmb gotis willen thun vff das wirdigiste mit eime puster
vnde schulern als vmbirurt ist luten Auch das Spolium das vff der leiche ader bore geleget wirt von den die Ir begreb
nisse In das closter erwelen Is sey von gewande gut ader bose was das sein wirt das das In die czeit geteilt In die pfarre ader
closter alsdenne sal der pfarer mit den vatern vnde brudern eins werden vmb das ander nemen gancz getreulich vnde
vngemide Is aber Iemandis vsserhalbe die pfarre stirbit welchir In die pfarre nicht gehorin ader gewont sein von hen ader
edelleuten welchirlei stat die weren vnde Ir begrebnisse In das closter erwelten sulle vnde wolle der pfarer samb seinen brudern
keinen anspruch haben vnde vngehindert an allen weg fulgen lossen Es were denne das sie mit sampt den schulern dor czu
gefordert vnde gebeten wurden alsdenne vmb sulch muhe noch gewonheit yn belonunge zu thun Auch sulle In
keynerlei weise allenthalbe nymant das volgk abeczihen sunder noch stetikeit vnde andacht feiren wellen haben lossen In
begrebnisse czu mehir sicherheit stetikeit vnde ewiger gedechtnisse punt artickel vnde das also vor vns bewilliget gehandelt
vnde gemacht worden ist haben wir burgermeister vnde Ratmanne der Stat czittaw vnsers die Stat Ingesigel dem
des Conuents vnde hern Cumpters Ingesigele zu geczeugnisse an disin breff thun hengen die geschrieben ist nach der geburt
cristi Tausentvierhundert In dem czweiundneunczigistem Iarem