mit seynen brudern vnd iren nachkomelingen dy Czeen marck geldis sullen haben vnd besiczen In vnd uf vns(er) Stat
frey vnd ledig vnd an allis hindernisse vns(er) h(er)schafft ~Franewalden~ vnd amechtlewt(en) Auch hat vns d(er) vilmegenay
vns(er) Comptor vnd der obgen(ante) ~Czeitz~ hampel vns(er) burgmeist(er) sulche gute irzeigit so wir adir vns(er) nachko
melinge so stuthafftig wurden vnd dy zceen glou marck welden abekewffen der Stat zu gute das sullen wir
thun vor achczehn marck ganczhafftig(er) heller vnd den vorsessen zins methe gebin nach der Jarzal Sunder
wer den zins sust kewffen wil ader weme sy den gancz adir eyn teyl durch ere notdorfft vorsetzin vorkewffen
vnd vorloczssiln das mogen der Comptor mit seynen brudern thun vor vier vndczwenczig marck grossen als
obin geschrebin stet adir dach an keyne geystliche noch fremde furstliche hant nicht zu komen weme sie sust
werthch vellen den sal man den zins globin gebin vnd vorschreyben In aller mosse als vor geschrebin stet Czu
ganczir sicherheit vnd wahren bekentniss aller der vorschrebin sachen des kawffes vnd voruelonge habin wir
vns(er) Stat Gros Ingesegil mit gutir bewist zu rechtir bestetunge an dissen briff lassen hengin Gebenn
Nach Cristigeburth Tusent Vier hundert dornach Im vier vnd seczcigisten Jare am Mitwochen am tage
Sancti petri den man nennet Advincula :-