Ferdinand von gots gnad(e)n Römischer
Hungrischer vnd Behamischer (et)c(etera) Khünig.

Ernuester hochgelarter lieber getrewer. Nachdem der wolgeborn vnser Chamrer vnd lieber getrewer
Zbinckh Bercka herr von der daub auf Stragkonitz obrister maister des priorats vnser fraw(en) Johan(n)s
den Compter zue Glatz wegen seiner aignen handlung vnd versprechung wider seine Statuten vnd
Stablissment mit vor wissen vnser des sygn(ets) vnd ainen andern dahin zueverordnen bedacht. Darzue
Er dich als ainen volmechtigen Anwaldt mit vnsrer genedigiste(n) zuelassung erkiest vnd furgenomb(e)n
Demwegen an dich vnser genedig begern. Beuelhend du wollest was dir der beruert vnser Chamrer derselben
sachung auferlegt dich alles gehorsambs erzaigen vnd verhalten. Daran tuendest vns(er)n sonder(n) g(e)n(e)d(i)g(s)t(e)n
zue genedigm gefallen aus vnserm willen. Geb(e)n auf vnserm Khüniglichen Schloß Prag am 4 tag
octobr(is) Anno d(omi)ni (et)c(etera) xlvij(o) Vnsrer Reiche des Römisch(e)n im xvij vnd der anndern im xxj(o)

Ferdinand