Frater Antonius de Paula
Dei gratia sacrae Domus Hospitalis s(an)c(t)i Joannis Hieros(olymitani) et Militaris Ordinis s(an)c(t)i Sepulchri Dominici Magister humilis, pauperumq(ue) Jesu xpi
Custos: Religioso in xp(o) Nobis Charissimo Fratri Adamo Guillelmo Wratislau Baroni de Mitrouicz nostrae dictae Domus Ven(erandi) Prioratus Bo=
hemiae Militi salutem in D(omi)no sempiternam. Cum pro exoneratione tuae conscientiae, et gratitudinis retributione Nobis supplicaueris ut de aliqua mo=
derata portione bonorum Mobilium, quae in tuo decessu habueris, testandi, et disponendi licentiam tibi concedere dignaremur. Hinc est, quod nos tuis suppli=
cationibus inclinati De n(ost)ra certa scientia et speciali gratia auctoritate per statuta primum et secundum de Prohibitionibus et poenis Nobis
concessa, et attributa de quinta parte pecuniae numeratae, creditorum, et bonorum mobilium atq(ue) sese mouentium quae in dicto tuo decessu habueris
ab alijs quatuor partibus partienda, et separanda postquam ab omnibus bonis praefatis ad spolium tuum spectantibus deductae, et ante omnia solutae fuerint
quaecunq(ue) summae aeris alieni, et quoquomodo n(ost)ro Communi Aerario aut alicuicunq(ue) debitae, et sic de illa quinta parte (ut praefertur) liquidata in ultima uoluntate
aut alias sine tuae conscientiae scrupulo testandi, et disponendi auctoritatem plenissimam facultatem, et licentiam harum serie tibi damus, et liberaliter
impartimur. Ita tamen quod aliae quatuor partes praefatae integre ad n(ost)rum Commune Aerarium perueniant, et peruenire debeant, Et quicquid
ultra id erogatum, seu dispositum fuerit nullum sit, et irritum nulliusq(ue) efficaciae, dictumq(ue) n(ost)rum Commune Aerarium ad eius solutionem minime teneatur
et ad illud repetendum actionem et plenum Jus semper habeat, et sub conditionibus etiam et declarationibus infrascriptis Videlicet, quod in dicta quinta
parte per te disponenda comprehendantur recompensae famulorum, et aliorum quorumcunq(ue) Insuper impensae funeris, omnia quoq(ue) legata, etiam ad pias
causas per te facienda, Cauto etiam et expresse, quod n(ost)rum Commune Aerarium non teneatur soluere quintam partem praefatorum creditorum nisi pro
rata parte illorum quae effectiue indies exigi poterunt et reuera exacta, et recuperata fuerint, Et quod tempore disponendi, testandi, et donandi
tu non reperiaris, neq(ue) existas debitor dicti n(ost)ri Communis Aerarij ultra summam scutorum Centum monetae, et dispositio tua praefatam quintam
partem nullo modo excedere possit, Et denique iuxta formam, et tenorem statuti secundi de Prohibitionibus et poenis (ut praemittitur) pro=
mulgati, Cuius tenorem hic pro inserto haberi uolumus, teq(ue) ad illud obseruandum in pia dispositione quintae partis tui spolij facienda teneri
et obnoxium esse omnino decernimus atque mandamus. Praecipientes Vniuersis et singulis dictae Domus n(ost)rae fratribus quacunq(ue) auct(oritat)e dignitate,
officioq(ue) fungentibus praesentibus, et futuris in uirtute sanctae obedientiae, ne contra praesentes nostras litteras aliquatenus facere uel ue=
nire praesumant sed eas studeant inuiolabiliter obseruare. In Cuius Rei Testimonium Bulla n(ost)ra Magistralis in cera nigra
praesentibus est impressa. Datum Melitae in Conuentu nostro Die Duodecima Mensis Augusti Mill(esi)mo Sexcent(esi)mo Trigesimo quarto:
fr(ater) infanich
Vicecan(cellarius)
F(rater) Jo(annes) fran(ciscus) Abela