Fr(ater) Gregorius Carafa e Principibus Roccellae
Dei gratia Sacrae Domus Hosp(ita)lis S(an)c(t)i Joannis Hieros(olimitani) et Militaris Ordinis S(an)c(t)i Sepulchri Dominici Mag(iste)r humilis, pauperumq(ue) Jesu X(rist)i Custos: Re-
ligioso in X(rist)o nobis Char(issi)mo fr(atr)i Carolo Leopoldo Comiti de Herberstein Commendat(o)ri n(ost)raru(m) de Losen, ac de Troppau, et Machon Prioratus n(ost)ri Bohemiae Com-
mend(at)o(rum) sal(ute)m in D(omi)no sempiternam. Decet, ut eorum honestis uotis benignè annuamus, qui in bonis, et muneribus sibi commissis frugales, et utiles administra-
tores ad incrementu(m) Religionis n(ost)rae totis uiribus sese exhibere conantur, quemadmodum tu laudabiliter et Religiosè intendere non desinis. Cum igitur pro
exoneratione tuae conscientiae, et gratitudinis retributione, nobis supplicaueris, ut de aliqua moderata portione bonorum mobilium, quae in tuo decessu habueris tes-
tandi, et disponendi licentiam tibi concedere dignaremur. Hinc est, quod nos tuis supplicationibus inclinati de n(ost)ra certa scientia, et speciali gratia auct(oritat)e per
Statuta primum, et secundum de prohibit(ionibus) et poenis in n(ost)ro G(e)n(er)ali Cap(itu)lo condita, et promulgata, nobis concessa, et attributa, de quinta parte pecuniae nume-
ratae, creditoru(m), et bonorum mobilium, atq(ue) sese mouentiu(m), quae in dicto tuo decessu habueris ab alijs quatuor partibus partienda, et separanda postquam ab omnibus
bonis praefatis ad spoliu(m) tuum spectantibus deductae, et ante omnia solutae fuerint quaecumq(ue) summae aeris alieni, et quoquomodo n(ost)ro co(mmun)i aerario aut alijscuicumq(ue)
debitae, et sic de illa quinta parte, ut praefertur liquidata in ultima uoluntate, aut aliàs sine tuo conscientiae scrupulo testandi, et disponendi auct(oritat)em, plenissi-
mam facultatem, et licentiam har(um) serie tibi damus, et liberalit(er) impartimur. Ita tamen, quod aliae quatuor partes praefatae integrè ad n(ost)r(u)m Co(mmun)e aerariu(m) perue-
niant et peruenire debeant, et quicquid ultra id erogatum, seu dispositum fuerit nullum sit, et irritum, nulliusq(ue) efficaciae, dictu(m)q(ue) n(ost)r(u)m Co(mmun)e aerariu(m) ad eius
solutionem minimè teneatur, et ad illud repetendum actionem, et plenum jus semper habeat. Reseruato etiam Statu dictar(um) Commendar(um) pro futuris Com-
mend(at)o(r)ib(us) secund(um) formam Stabilimentor(um) n(ost)rorum. Et sub conditionibus etia(m) et declarationibus infrascriptis, Videlicet quod in dicta quinta parte per te disponenda
comprehendant(ur) recompensa famulor(um), et alior(um) quorumcumq(ue): Insuper impensae funeris, omnia quoq(ue) legata etia(m) ad pias causas per te facienda. Cauto etia(m)
expressè, quod n(ost)r(u)m Co(mmun)e aerariu(m) non teneatur soluere quintam partem praefator(um) creditoru(m) nisi pro rata parte illorum, quae effectiuè in dies exigi poterunt,
et reuera exacta, et recuperata fuerint, et quod tempore disponendi, testandi, et donandi tu non reperiaris, neq(ue) existas debitor dicti n(ost)ri Co(mmun)is aerarij ul-
tra summam scutoru(m) centum monetae, et dispositio tua praefatam quintam partem nullo modo excedere possit. Quodq(ue) liquidatio quintae partis huiusmo-
di, omnisy(ue) praetensio, et controuersia, quae occasione eiusd(em) liquidationis oriri contigerit in Tribunalibus, et iudicijs Ordinis n(ost)ri, (ad quos spectat) fieri, et res-
pectiuè inchoari, siuè coeperiri, cognosci, ac terminari debeat, aliàs p(raese)ns licentia, et facultas nulla sit, et minimè concessa censeatur, ut potè sub hac expres-
sa conditione, et non aliter sibi impartita. Et deniq(ue) iuxta formam, et tenorem Statuti secundi de prohibit(ionibus) et poenis (ut praemittitur) promulgati, cuius
tenorem hîc pro inserto haberi uolumus. Teq(ue) ad illud obseruand(um) in praefata dispositione quintae partis tui spolij facienda teneri, et obnoxium esse omninò
decernimus, atq(ue) mandamus. Praecipientes Vniueris, et singulis dictae domus n(ost)rae fr(atr)ibus quamcu(m)q(ue) auct(oritat)e, dignitate, officioq(ue) fungentibus p(raese)ntibus, et futuris in
uirtute S(an)c(t)ae Obedientiae, ne contra p(raese)ntes n(ost)ras l(itte)ras aliquatenùs facere, uel uenire praesumant, sed eas studeant inuiolabiliter obseruare. In Cuius Rei
Testimonium Bulla n(ost)ra Magistralis plumbea p(raese)ntibus est appensa. Dat(um) Melitae in Conuentu n(ost)ro die septima Mensis Julij Millesimo
Sexcentesimo Octuagesimo Quinto.