Ich Chunrat der Fläschenekker vnd ich Fridreich vom Gräben vnser Hausfrawn vnd alle vnser Erben wir verjehen vnd tün chunt
allen den die den brief lesent oder hörent lesen vmb die Ansprach die wir gehabt haben hintz vnserm Swäger Vlreichen
von Liechtenekh vnd hintz seiner Hausfrawn Frawn Elzbeten Hern Vlreichs seligen Tochter von Gruennburchch von der Güter
wegen die der selb Her Vlreich von Gruennburch hinder jm läzen hät swä die genant sind oder wo die gelegen sind daz
wir denselben vnserm Swäger Vlreichen von Liechtenekh Frawn Elzbeten sein Hausfrawn vnd ir laiberben derselben Ansprach
ledig läzen haben sagen vnd läzen auch si der genzleich ledig mit dem brief also daz wir noch vnser Erben hintz jn
noch hintz irn laiberben von der egenantn Güter wegen fürbaz chäin Ansprach noch fodrung haben süllen noch gewin(n)en
vnd daruber so geben wir jn den brief ze ainem wärem vrchund der ist versigelt mit vnserm jnsigeln vnd mit Hern
Wolfgangs jnsigl vonn Wynnden den wir des gepeten haben daz er der sach zeug ist mit seinem jnsigl der brief ist
geben ze Wienn nach Christes gepurd dreuzehenhundert jâr darnach in dem Sechs vnd Sibentzigistem jâr des nächsten
Montags nach sand Philipps vnd sand Jacobs tag der zwelifpotn