Ex(cellen)tiss(i)mo Domino Comiti Antonio Kolowrat Krakowsky Summo Cancellario, Cubiculario, et Ministro Status, et Conferentiarum
Salutem in eo qui est omnium vera Salus.
Generis tui claritas, propensaque erga Ordinem N(ost)rum benevolentia Nos inducunt ut aliquam tibi aestimationis Nostrae, gratique animi significationem
exhibeamus, ac simul augendi in Nos tui amoris stimulum addamus. Hinc est quod Nos animum gratum, et officiorum memorem tibi ostendere cupientes,
De nostra certa scientia, motuque proprio, tenore praesentium, ut Crucem auream ad figuram habitus Ordinis Nostri formatam, collo appensam, nec non Magnam
Crucem lineam extremitati fasciae seu balteo serico nigri coloris assutam more Bajulivorum, et Magnae Crucis Ordinis Nostri procerum gestare, et
ubique deferre libere ac licite possis et valeas, plenamque licentiam, et facultatem concedimus, et elargimur, et Bajulivum Ordinis Nostri ad honorem te
creamus: teque omnibus indulgentiis, ac gratiis spiritualibus, quibus vigore privilegiorum Nostrorum a Sacrosancta Sede Ap(ostoli)ca Nobis, et Ordini Nostro conces
sorum Fratres Nostri, aliique Ordini Nostro addicti utuntur, fruuntur et gaudent uti, frui, et gaudere decernimus, et declaramus, nec non omnium Mis
sarum, orationum, piorumque Hosp(ita)lis et Militiae pro Catholicae Fidei tuitione operum, quae in dies a Fratribus Nostris, terra, marique Deo largiente
fiunt participem in Domino facimus, et omni meliori modo esse volumus. Praecipientes universis et singulis dictae Domus Nostrae Fratribus qua
cumque auctoritate, dignitate, officiisque fungentibus, praesentibus et futuris in virtute Sanctae obedientiae, ne contra praesentes N(ost)ras concessionis, declara
tionis, et participationis litteras aliquatenus facere, vel venire praesumant, sed eas studeant inviolabiliter observare.
In cujus rei testimonium Bulla Nostra communis plumbea pr(aese)ntibus est appensa. Datum Romae in Conventu N(ost)ro die Secunda Mensis Januarii
1850. ab Incarnatione, juxta stylum N(ost)rae Cancellariae, secundum vero cursum ordinarium Anno Millesimo octingentesimo quinquagesimo primo = 1851. =
Bajl(ivus) Fr(ater) Alexander Borgia
Mag(ni) Prior(atus) M(a)c(e)ri Cancl(arius) Locumt(enens)
Registrata in Cancellaria N(umer)o Repertorii = 3899 = Comm(endat)or frater Averardus Medices Spada Vice-Cancellarius Int(erim)us