M(agister) CHRISTOPHOR(US) LACVNARI(US) FRA
ter Sancti Joannis Jherosolymitani Commendator in Heilenstam necnon Sac(rae) Ro(manae) C(aesareae) Ma(iestatis) (et)c(etera)
ordinis Sacellanus indignus omnibus ac singulis ad quos praesentes deuenerint praemissa omni
reuerentia Salutem a Jesu precatur perennem. Cum iustum sit aeque ac pium ut Juuenes
qui honestis conatibus innituntur omni liberalitatis offitio prosequantur: Nihil alienu(m)
me a decore facturu(m) putabam nec ueritus sum praesentium exhibitorem germanu(m)
meu(m) fratrem VRbanum Lacunariu(m) Jngeniarum artiu(m) studiosu(m) dioecesanu(m) vero
Episcopatus Labacen(sis) hisce no(n) solum Commendare uerum ut horum di(erum) meliori nota
in Conuictorum mei ordinis et successorum meoru(m) Comendae Heilenstam assumerer.
Neque id tam ex debito sanguinis iuris quam honesti sui propositi laudis ac intuitu suaru(m)
facultatum tenuitate maxime uitae morumq(ue) integritati adhoc quantulocunq(ue) studioru(m)
suorum progressui addictus facio. Et licet haec mea repressa Commendatio fratris
nomine no(n) suspitionis nota careat siquidem de ijs quos amamus no(n) possumus no(n) bene
sentire tamen cum in subita sua deliberatione neminem haberet ad quem confugeret
sibi uel hoc meo testimonio satisfactum iri persuadebat. Optarim ergo omnesq(ue)
ac singulos suma humanitati obtestatos esse uelim ne dedignentur praetacto meo
conterraneo in quantum fieri poterit pro uoti sui exigentia studiosam beniuo=
lentiam exhibere idq(ue) efficere ut ipsi si quid gloriae ac emolumenti in Sacro munere
assecutus fuerit id omne ac totum uestrae pietatibus sese deberi in perpetuu(m) pro=
fiteatur non minus me perpetuo debenda gratia reuin(c)t(um) effecturi. Jn rei huius
euidentius testimoniu(m) praesentis et usuali sigillo et meo chirographo communiui.
Jn heilenstam XVI Calend(as) Febr(uarii) Anno a nato D(omi)no M D LXI.
M(agister) Christophor(us) Lacu=
narius p(ro)pria m(anu) s(ub)sc(ripsit)