FRATER JOANNES LEVESQVE DE LA CASSIERE
Dei gratia sacra(e) Domus Hosp(ital)is sancti Joannis Hier(osolymita)ni Magister humilis pauperumq(ue) Jesu Ch(rist)i custos, et nos Conuentus Domus eiusdem Religioso in Ch(rist)o nobis char(issim)o fratri Carolo Thetauur de Thetauu nostr(a)e dict(a)e Domus prioratus Boemia(e)
militi salutem in Domino sempiternam. Morum et uit(a)e honestas, multipliciaq(ue) animi tui dotes, et laudabilia obsequia per te ordini nostro pr(a)estita et qu(a)e pro defendendis, augendis rebus nostris in dies sedulo pr(a)estare non desinis nos hor=
tantur, ut ea tibi liberali(us) concedamus, qu(a)e ad recuperationem, augmentationem et reparationem bonorum nostrorum, tuamq(ue) co(m)moditatem facere dignoscuntur, Cum igitur Comenda nostra de Halbstann dicti prioratus Boemia(e) in Re=
gione Croacia siue ut uulgo dicitur Kreine in confinibus Turcarum per obitum quondam fratris Nicolai Kolsach siue alias a quibusdam occupata detineatur in graue ordinis nostri pr(a)efati uilipendium et damnu(m), nostraq(ue) intersit
utilia de Jure recuperetur. Dictam Comendam de Halbstann, cum omnibus et singulis suis membris, pr(a)edijs, Juribus, et pertinentijs Vniuersis ad ipsam spectantibus et pertinentibus, seu spectare et pertinere debentibus quoquomodo re=
cuperandam a manibus eius uel eorum, qui eam nunc detinent, Cuius uel quorum nomina et cognomina hic uolumus haberi pro sufficienter expressis, ac si de ipsis et quolibet eorum particularis et distincta mentio fieret Habendam, tenenda(m)
possidendam, regendam, administrandam, augmentandam et meliorandam in spiritualibus et Temporalibus tam in capite quam in membris sub annua solutione Jurium et quoruncunq(ue) oneru(m) Co(m)munis Aerarij ordinis nostri impositorum
et imponendorum secundum co(m)munem cursu(m) aliarum Baiuliarum seu comendarum dicti prioratus in Capitulo prouinciali prioratus eiusdem uel in festo sancti Joannis Bapt(ist)a(e) de mense Junij per te Annis singulis infallibiliter exsoluendoru(m),
Saluis etiam et reseruatis Jure mortuarij et uacantis, Alias in defectu solutionis h(uius)mo(d)i secundum seriem et tenorem Stabilimentoru(m), ordinationu(m), consuetudinu(m) et constitutionu(m) Capituloru(m) generalium super solutione Jurium Aerarij eiusdem edi=
tarum et promulgataru(m) de dicta Comenda expresse pr(a)ecipimus prouideri (collatione h(uius)mo(d)i de dicta comenda tibi facta in aliquo no(n) obstante) Innicem maturo et deliberato consilio de nostra certa scientia n(ost)raq(ue) et dicti prioratus speciali gra(tia)
tenore pr(a)esentium ad annos Decem continuos et completos et ultra ad nostrum beneplacitu(m) tibi conferimus, concedimus, et donamus, Teq(ue) comendatariu(m) in illa constituimus et ordinamus, Co(m)mittentes tibi circa recuperationem, curam, regimen et
administratione(m), ac omnimodam dict(a)e Comend(a)e bonorumq(ue) et Jurium eius defensione(m) et recuperatione(m) tam in agendo quam defendendo haru(m) serie uices nostras, quocirca Vniuersis et singulis fratribus, sororibus et Donatis in uirtute sanct(a)e
obedienti(a)e ac hominibus Vassallis et quibusuis alijs nobis subditis in dicta Comenda constitutis pr(a)esentibus et futuris sub sacramento fidelitatis et homagij quo nobis et Religioni n(ost)r(a)e sunt astricti pr(a)ecipimus et mandamus ut tibi tanq(uam) eorum
superiori et comendatario reuerenter pareant, obediant, et intendant, tibiq(ue) pr(a)ebeant auxilium Consilium et fauorem in omnibus concernentibus recuperationem et utilitatem dict(a)e Comend(a)e quotiescunq(ue) opus fuerit et eos duxeris requirendos.
Necno(n) Vniuersis et singulis dict(a)e domus nostr(a)e fratribus quacunq(ue) authoritate, dignitate, officioq(ue) fungentibus pr(a)esentibus et futuris mandamus ne contra pr(a)esentes nostras l(itte)ras aliquatenus facere uel uenire pr(a)esumant, quinimo Juxta earum
mentem Jbideant inuiolabiliter obseruari. Atq(ue) cuicunq(ue) fr(atr)i ordinis nostri super hoc primitus requisito mandamus ut te uel procuratorem tuum in pacificam et quietam dict(a)e comend(a)e possessionem Jnducat et Jnductu(m) conseruet (omni
penitus contradictione remota) Amoto ab eadem quolibet illius detentore (siquis fuerit) quem nos Tenore pr(a)esentium amouemus et decernimus firmiter amouendum, Jnhibentes tibi in uirtute sanct(a)e obedienti(a)e ac sub p(o)ena Stabilimentoru(m)
contrafacienti inflicta ne pr(a)etextu donationis nostr(a)e h(uius)mo(d)i aliquid uel aliqua de rebus, bonis, Juribus, pr(a)edijs, locis et quibuslibet Jurisdictionibus dict(a)e Comend(a)e uel membrorum eiusdem uendas, des, impignores, permutes, distrabas,
siue in emphyteosim perpetuam siue ad tempus concedas sine speciali nostra licentia Magistri Religionis atq(ue) Capituli generalis pro tempore existentium, Et si (quod absit) contra Jnhibitionem nostram huiusmodi aliquid uel aliqua
operari seu facere te contingat illud et ista ex nunc prout ex tunc cassamus, annullamus, et decernimus Jrritum et Jnane nulliusq(ue) penitus existere ualoris uel efficaci(a)e, Jn Cuius rei Testimonium Bulla nostra Co(m)munis plumbea
pr(a)esentibus est appensa, Datum Melit(a)e in Conuentu nostro Die Vigesima mensis Nouembris, Millesimo quingentesimo septuagesimo octauo.