FRATER EMMANUEL PINTO, DEI
gratia Sacrae Domus Hosp(ita)lis S(ancti) Joa(nn)is Jerosol(imita)ni et Militaris Ord(in)is S(ancti) Sepulcri Dom(ini) Mag(iste)r humilis, Pauperumque Jesu Christi Custos: Et Nos Conventus Domus ejusdem:
Ven(erabili) Relig(ioni) in Xpo Nobis praecar(issim)o Fr(atr)i Antonio Comiti de Colloredo Ord(in)is n(ost)ri Bajulivo sal(ute)m in D(omi)no sempiternam. Praeclara virtutum tuarum merita, multiplicesque animi tui
dotes, laudabiliaque obsequia per Te multis ab hinc annis summa cum fidei probitate, singularique prudentia Ordini n(ost)ro praestita, et quae in futurum Te praestiturum confidimus, promerentur,
ut Te ad excelsos gradus, et majora commoda, amplioraque regimina Ord(in)is n(ost)ri promoveamus. Cum itaque Bajulivatus, seu Com(en)da n(ost)ra Cap(el)laris S(ancti) Josephi in Doschiz alias in Carlostad
per renunciationem Ven(erabilis) Relig(ionis) in Xpo Nobis praecar(issimi) Fr(atr)is Michaelis Ferdinandi Comitis de Althann ad Prioratum n(ost)rum Bohemiae promoti ultimi legitimi d(icti) Bajul(ivatus) S(ancti) Josephi
Bajulivi et Possessoris sive hoc, sive alio quovis modo p(raesen)tialiter vacet, et ad n(ost)ram collationem, donationem, et omnimodam dispositionem spectet, et sit devolutus cum omnibus, et singulis praero=
gativis, praelationibus, praeeminentijs, honoribus, et oneribus, Membrisque, et proedijs, ac alijs suis juribus, et pertinentijs ad eumdem Bajulivatum spectantibus, et pertinentibus, seu spectare, et
pertinere debentibus quoquo modo, et cum quibus illum praefatus Ven(erabilis) fr(ater) Michael Ferdinandus habuit, tenuit, et possedit, seu habere, tenere, et possidere quomodolibet debuit, habendum, tenendum, possiden=
dum, regendum, augmentandum, et meliorandum in Spiritualibus, et temporalibus tam in capite, quam in Membris. Sub annua solutione jurium, et quorumcumque onerum Co(mmun)is Aerarij Ord(in)is n(ost)ri im=
positorum, et imponendorum, secundum communem cursum aliarum Bajuliarum, seu Com(en)darum memorati Prior(atus) Bohemiae in Cap(itu)lo Prov(incia)li Prior(atus) ejusdem, vel in festo S(ancti) Joa(nn)is Bapt(ist)ae de
Mense Junij per Te annis singulis infallibiliter exolvendorum. Salvo etiam, et reservato Jure Mortuarij, et Vacantij. Alias in defectu solutionis hu(jusm)o(d)i secundum seriem et tenorem Stabili=
mentorum, Ordinationum, Consuetudinum et Constitutionum Cap(itu)lorum Gen(era)lium super solutione Jurium Aerarij ejusdem editarum, et promulgatarum, de d(icto) Bajulivatu, seu Com(en)da n(ost)ra Cap(el)lari expres=
se praecipimus provideri, collatione hu(jusm)o(d)i de dicto Bajul(ivatu) Tibi facta in aliquo non obstante. Jnvicem maturo, et deliberato consilio de n(ost)ra certa scientia, et speciali gratia ad annos decem continuos, et
completos, et ultra ad n(ost)rum beneplacitum Tibi Ven(erabili) Fr(atr)i Antonio Comiti de Colloredo tamquam digno, capaci, et optime merito conferimus, concedimus, et donamus benefaciendo in eodem. Dantes
Tibi in n(ost)ro Ven(erabili) Concilio, et Cap(itu)lo Gen(era)li cunctisque Ord(in)is n(ost)ri Sessionibus locum d(icto) Bajulivatui congruentem. Committentes Tibi circa curam, regimen, et administrationem, ac omnimodam d(icti) Bajul(ivatus)
bonorumque, et Jurium ejus defensionem, et recuperationem tam in agendo, quam defendendo harum serie vices n(ost)ras. Quocirca uniu(er)sis et singulis Fr(atr)ibus, Sororibus, et Donatis in virtute S(anctae) Obed(ienti)ae, ac
hominibus Vasallis, et quibusvis alijs Nobis Subditis in d(icto) Bajulivatu constitutis p(raese)ntibus, et futuris sub Sacram(en)to fidelitatis, et homagij, quo Nobis, et Religioni n(ost)rae sunt adstricti, praecipimus, et mandamus, ut Tibi
tamquam eorum Superiori, et Bajulivo reverenter pareant, obediant, et intendant, Tibique praebeant auxilium, consilium, et favorem in omnibus concernentibus utilitatem d(icti) Bajul(ivatus) quotiescumque opus
fuerit et eos duxeris requirendos. Necnon uniu(er)sis, et singulis d(ictae) Domus n(ost)rae Fr(atr)ibus quacumque auct(oritat)e, dignitate, officioque fungentibus p(raese)ntibus, et futuris mandamus, ne contra p(raese)ntes n(ost)ras l(itte)ras aliquatenus face=
re vel venire praesumant, sed eas studeant inviolabiliter observare. Atque cuicumque Fr(atr)i Ord(in)is n(ost)ri super hoc p(raese)ntibus (requisito) committimus, et mandamus, ut Te vel Procur(ator)em tuum in pacificam, et quietam
d(icti) Bajul(ivatus) possessionem inducat, et inductum conservet omni penitus contradictione remota. Amoto ab eodem quolibet illicito detentore, si quis fuerit, quem Nos tenore p(raese)ntium amovemus, et decernimus firmiter amovendum.
Inhibentes Tibi in virtute S(anctae) Obed(ienti)ae, ac sub poenis Stabilimentor(um) contrafacienti inflictis, ne praetextu donationis n(ost)rae hu(jusm)o(d)i aliquid, vel aliqua de de rebus, bonis, juribus, proedijs, locijs, et quibuslibet jurisdictionibus d(icti) Bajul(ivatus) vel
Membror(um) ejusdem vendas, des, impignores, permutes, distrahas, sive in Emph(iteus)im perpetuam, aut ad tempus concedas sine speciali n(ost)ra licentia Mag(ist)ri Relig(ionis) n(ost)rae, atque Cap(itu)li Gen(era)lis pro tempore existentium, et si quod ab=
sit, contra inhibitionem n(ost)ram hu(jusm)o(d)i aliquid vel aliqua operari, seu facere Te contingat, illud, et illa ex nunc prout ex tunc cassamus, annullamus, et decernimus irritum, et inane nulliusque penitus existere valoris,
vel efficaciae. In cujus rei Test(imonium) Bulla n(ost)ra Co(mmun)is plumbea p(raese)ntibus est appensa. Dat(um) Melitae in Conventu n(ost)ro die xxix. M(ensis) Augusti 1769.
El Lugar(teniente) del Gran Canciller